ഏരിയാ സമ്മേളനത്തോട് അനുബന്ധിച്ച് IRPC helpdesk

 HELPDESK 22.11.2021

IRPC കൊട്ടയാട്‌  യൂണിറ്റ്   CPM ഏരിയ സമ്മേളനവുമായി ബന്ധപ്പെട്ടു ജീവിതശൈലീ രോഗ പരിശോധനയും ഹെൽപ്‌ഡെസ്‌കും ഏർപ്പാടാക്കി .

22.11.2021 ന് ആലക്കോട് ഏരിയാ സമ്മേളനത്തോട് അനുബന്ധിച്ച് IRPC helpdesk സൗകര്യവും ജീവിത ശൈലി രോഗ മുന്നറിയിപ്പു പരിശോധനയും  ഏർപ്പെടുത്തി.  സമ്മേളന പ്രതിനിധികൾക്ക്  സൗജന്യമായി ബിപി, ബ്ലഡ് ഗ്ലൂക്കോസ്, രക്തത്തിലെ ഓക്സിജൻ സാന്ദ്രത എന്നിവ പരിശോധിക്കാനും ഭാരം അളക്കാനും വേണ്ട സൗകര്യവുമേർപ്പെടുത്തിയിരുന്നു. 53 പേർ പരിശോധനക്കു വിധേയരായി IRPC കൊട്ടയാട് ലോക്കൽ യൂനിറ്റ്  2021 മെയ് മാസം മുതൽ നടത്തിവന്ന മൈക്രോ പാലിയേറ്റീവ് കെയർ പരിശീലന ക്യാമ്പുകളിലും ജീവിത ശൈലി രോഗ പരിശോധന ക്യാമ്പുകളിലും പങ്കെടുത്ത്  പരിശീലനം നേടിയ വളണ്ടിയർമാരാണ്  ഇവിടെ വിവിധ പരിശോധനകൾ നടത്തിയത്. മയ്യിൽ PHC പാലിയേറ്റീവ് കെയർ നഴ്സ്  സൗമ്യ മനോജ് നേതൃത്വം നൽകി. ഗണേശൻ കോട്ടക്കടവ്, സൗമ്യ നരി യമ്പാറ ,ശോഭ നരി യമ്പാറ , മുബീന കോട്ടക്കടവ്, സിന്ധു കോട്ടക്കടവ് തുടങ്ങിയവർ വളണ്ടിയർമാരായി സേവനമനുഷ്ഠിച്ചു.

IRPC ജില്ലാ രക്ഷാധികാരി പി .ജയരാജൻ, ഏരിയാ സമ്മേളനം ഉദ്ഘാടനം ചെയ്ത  ഇ പി  ജയരാജൻ ഏരിയാ സെക്രട്ടറി  ബാബുരാജ്  തുടങ്ങിയ  നേതാക്കന്മാർ നമ്മുടെ യൂനിറ്റിന്റെ Help Desk ൽ പരിശോധനക്കു വിധേയരായി. മുൻ എം.പി ശ്രീമതി ടീച്ചർ Help Desk സന്ദർശിച്ചു.

പാലിയേറ്റീവ് കെയർ സന്ദേശവുമായി മറ്റുവേദികളിൽ

ക്രിസ്മസ് അവധിക്കാലത്തും IRPC യുടെ പാലിയേറ്റീവ് കെയർ സന്ദേശവുമായി കൊട്ടയാടു യൂണിറ്റിന്റെ പ്രവർത്തകർ  മറ്റുവേദികളിൽ  നേതൃത്വപരമായ പ്രവർത്തനങ്ങളിൽ  പങ്കെടുത്തു .

സൗമ്യ മോഹനൻ 

ഗ്രൂപ്പ്‌ അംഗം  സൗമ്യ മനോജ്‌ ന് N S S ഗ്രൂപ്പിന്റെ  ആദരം

കൺവീനർ സി കെ രാധാകൃഷ്ണൻ - 

കാസർഗോഡ് ജില്ലയിൽ വരക്കാട്  ഹയർ സെക്കണ്ടറി സ്‌കൂൾ  നാഷനൽ സർവീസ് സ്കീം വേദിയിൽ ശാസ്ത്രം നിത്യജീവിതത്തിൽ എന്ന  ഒരു സെഷനു നേതൃത്വം നൽകി 27/ 12 / 2021 AN. സോപ്പു നിർമാണം, ലോഷൻ നിർമ്മാണം, BP പരിശോധിക്കുന്ന വിധം,ഓക്സിമീറ്റർ ഉപയോഗം , IRPC,പാലിയേറ്റീവ് കെയർ, ജീവിത ശൈലി രോഗങ്ങൾ, നിത്യജീവിതത്തിൽ ശാസ്ത്രത്തിന്റെ സ്ഥാനം ഒക്കെ ചർച്ചാ വിഷയമായി.

NOTE : SOAP നിർമ്മാണ പരിശീലനം, ലോഷൻ നിർമ്മാണ പരിശീലനം ആവശ്യമുള്ള യൂനിറ്റുകൾ ( ക്ലബ് /കുടുംബശ്രീ / IRPC ബ്രാഞ്ച് തലം) വിവരമറിയിക്കുക. 9447739033.

സാമ്പത്തിക സാധ്യതകൾ : സോപ്പ്. kit 80 രൂ, വെളിച്ചെണ്ണ 1 kg - 180-190 രൂ, ലോഷൻ കിറ്റ് - 250 രൂ. മൊത്തം 520 രൂ. + പരിശീലനത്തിനുള്ള പ്രതിഫലം 100 രൂ= 620 രൂ. പരിപാടിയിൽ 20 സോപ്പുകളും . 12 ലിറ്റർ ലോഷനും നിർമ്മിക്കപ്പെടും. മാർക്കറ്റ് വില നോക്കിയാൽ സോപ്പിന്റെ വില = 20 x 20 = 400 രൂ , ലോഷന്റെ വില = 12 x 30 രൂ (മിനിമം) 360 രൂ . ആകെ 760രൂ  നടത്തിപ്പുകാർക്ക് ബാക്കി 140 രൂ (മിനിമം).വെളിച്ചെണ്ണ വിലക്കുറവിലോ സ്പോന്സര്ഷിപ്പിലോ സംഘടിപ്പിച്ചാൽ വരുമാനം ഇതിലും കൂട്ടാം .

ചെറുകിട സോപ്പ് , ലോഷൻ നിർമാണം എങ്ങിനെ എന്നറിയാൻ ഇവിടെ ക്ലിക്ക് ചെയ്യുക 

ടേബിൾ ഫാൻ എത്തിച്ചു കൊടുത്തു

 

.20 / 12/ 2021.

കൂ ളാമ്പിയിൽ  കിടപ്പു രോഗിക്ക്ആശ്വാസം പകരാൻ ।RPC ലോക്കൽ യൂനിറ്റ് ചെയർമാന്റെ നേതൃത്വത്തിൽ  സ്പോൺസറെ കണ്ടെത്തി ടേബിൾ ഫാൻ എത്തിച്ചു കൊടുത്തു

കരുവഞ്ചാൽ സൂരജ് മെഡിക്കൽസ് ഉടമ ശ്രീ തോമസ് ചേറ്റൂരാണ് 1800 രൂപയോളം വിലവരുന്ന ഈ ഫാൻ സ്പോൺസർ ചെയ്തത്. IRPC ലോക്കൽ യൂണിറ്റ് ചെയർമാൻ വിക്രമൻ ടി ജി , സി.കെ രാധാകൃഷ്ണൻ, പി.കെ ബാലൻ തുടങ്ങിയവർ പ്രവർത്തനത്തിൽ പങ്കെടുത്തു.

കരുവഞ്ചാൽ സൂരജ് മെഡിക്കൽസ് ഉടമ ശ്രീ തോമസ് ചേറ്റൂർ അവർകൾക്കു നന്ദി -കൺവീനർ 

പ്രതിവാര പ്രവർത്തന റിപ്പോർട് 20 12 2021-27 12 2021

 പ്രതിവാര പ്രവർത്തന റിപ്പോർട്  20  12 2021-27 12 2021

20 12 2021 നേത്ര പരിശോധന ക്യാമ്പ് 

22 12 2021 ടേബിൾ ഫാൻ എത്തിച്ചു കൊടുത്തു

വളണ്ടിയർമാരുടെ പ്രത്യേക ശ്രദ്ധക്ക് :നിങ്ങളുടെ ക്ളസ്റററിൽ / വാർഡിൽ  75 വയസിനു മുകളിലുള്ള പ്രമേഹരോഗികളിൽ BPL വിഭാഗത്തിൽ പെടുന്നവരുടെ  ലിസ്റ്റ് ഉടൻ അയച്ചു തരാൻ അഭ്യർത്ഥിക്കുന്നു -കൺവീനർ 

20 12 2021 സൗജന്യ നേത്ര പരിശോധനാ ക്യാമ്പ്

നേത്ര പരിശോധന ക്യാമ്പിന്റെ തുടർ പ്രവർത്തനമായി 25 O2 2022 

സൗജന്യ നേത്ര പരിശോധനാ ക്യാമ്പ് റിപ്പോർട്ട് 20 12 2021 

കണ്ണൂർ ജില്ലാ  ഗവ. ഹോസ്പിറ്റലിന്റെ സഞ്ചരിക്കുന്ന നേത്ര വിഭാഗ യൂണിറ്റ് , കോട്ടക്കടവ് സ്റ്റാർസ് ആർട്സ് & സ്പോർട്സ് ക്ലബ്ബ്, IRPC കൊട്ടയാട് ലോക്കൽ യൂനിറ്റ് എന്നിവയുടെ നേതൃത്വത്തിൽ നടന്ന സൗജന്യ നേത്ര പരിശോധനാ ക്യാമ്പ് കോട്ടക്കടവ് സ്റ്റാർസ് ക്ലബ് ഹാളിൽ വെച്ച് നടന്ന ചടങ്ങിൽ തളിപ്പറമ്പ ബ്ലോക്ക് പഞ്ചായത്ത് വൈസ് പ്രസിഡണ്ട്  ശ്രീമതി പ്രേമലത.പി ഉദ്‌ഘാടനം ചെയ്തു . കണ്ണൂർ ജില്ലാ  ഗവ. ഹോസ്പിറ്റലിന്റെ സഞ്ചരിക്കുന്ന നേത്ര വിഭാഗ യൂണിറ്റ് കോട്ടക്കടവ് പോലെയുള്ള നഗരങ്ങളിൽ നിന്നും വിദൂരവുംചികിത്സ സൗകര്യം കുറഞ്ഞതുമായ മേഖലകളിൽ സൗജന്യ നേത്ര ചികിത്സാ  സൗകര്യം ലഭ്യമാക്കുന്നത് ജനങ്ങൾക്ക് ഏറെ പ്രയോജനകരമാണെന്നു ശ്രീമതി പ്രേമലത.പി ഉൽഘാടന പ്രസംഗത്തിൽ പ്രത്യേകം ചൂണ്ടിക്കാട്ടി . പുരോഗമന പ്രസ്ഥാനങ്ങളുടെ പിന്തുണയോടെ IRPC കൊട്ടയാട് ലോക്കൽ യൂനിറ്റ് നടത്തിവരുന്ന പ്രവർത്തനങ്ങളെ വൈസ് പ്രസിഡണ്ട് അഭിനന്ദിച്ചു .

IRPC കൊട്ടയാട് ലോക്കൽ യൂനിറ്റ് ചെയർമാൻ ശ്രീ വിക്രമൻ ടി ജി അധ്യക്ഷത വഹിച്ചു .ഗ്രാമപഞ്ചായത് മെമ്പർമാർ  ആലീസ് ജോസഫ് ,രജിത സി എം ,ഗണേശൻ കോട്ടക്കടവ് ,സൗമ്യ മനോജ് തുടങ്ങിയവർ ആശംസകൾ നേർന്നു .ജില്ലാ ഒപ്താൽമിക് കോഓർഡിനേറ്റർ ശ്രീലത എം എം ക്യാമ്പ് വിശദീകരണം നടത്തി .ഒഫ്ത്താൽമിക് സർജൻ ഡോ .സന്ധ്യ റാം നേത്ര സംരക്ഷണ ക്ലാസ് എടുത്തു .ക്യാമ്പിൽ എഴുപത്തിയഞ്ചോളം ആളുകൾക്കു  സൗജന്യ നേത്ര പരിശോധനയും സൗജന്യ മരുന്ന് വിതരണവും നടന്നു . 11 പേർക്കു ശസ്ത്രക്രിയയുടെ ആവശ്യമുണ്ടെന്നു കണ്ടെത്തി .(updated 0n 21/12/2021)

(click here for more pictures കൂടുതൽ ചിത്രങ്ങൾ കാണാൻ ഇവിടെ ക്ലിക്കുക )

IRPC കൊട്ടയാട് ലോക്കൽ യൂനിറ്റ് കൺവീനർ സി കെ രാധാകൃഷ്ണൻ , വളണ്ടിയര്മാരായ സിന്ധു കോട്ടക്കടവ് , ബൈജു കോട്ടക്കടവ് ,ദിപിൻ കോട്ടക്കടവ് ,ശ്രെയസ് അയൽകൂട്ടം പ്രവർത്തകർ ,കോട്ടക്കടവ് അങ്കണവാടി ജീവനക്കാർ  തുടങ്ങിയവർ ക്യാമ്പ് സംഘാടനത്തിന്  പിന്തുണ നൽകി .

    വിഡിയോകൾ കാണാൻ ഇവിടെ ക്ലിക്കുക class video 1.... inauguration video 2

                   

Programme Notice

***************

അറിയിപ്പ് :

കണ്ണൂർ ജില്ലയിലെ വിവിധ മേഖലകളിൽ ക്യാമ്പ് ബുക്ക് ചെയ്യുന്നതിന് ഈ നമ്പറിൽ വിളിക്കുക : 

ഡോ .ശ്രീലത  ,കോഓർഡിനേറ്റർ ,

കണ്ണൂർ ജില്ലാ  ഗവ. ഹോസ്പിറ്റലിന്റെ സഞ്ചരിക്കുന്ന നേത്ര വിഭാഗ യൂണിറ്റ്

ഫോൺ :9497103121    

********************

17 12 2021: സോണൽ യോഗം

 17 12 2021: സോണൽ കണ്ട്രോൾ ഗ്രൂപ്പിന്റെയും കൺവീനർമാരുടേയും യോഗം 

ജില്ലാ കമ്മിറ്റീ നിർദ്ദേശങ്ങൾ  :

*വനിതാ കേഡർമാരുടെ  കുറവ്  നികത്തണം 

**ഗൃഹസന്ദർശനം കാര്യക്ഷമ മാകേണ്ടതുണ്ട് .പ്രതിമാസം 2 ആഴ്ചയിൽ 1 തവണ ചെയ്യണം .

***ജനുവരി 15 ഓടെ കിടപ്പു രോഗികൾ ഉള്ള മുഴുവൻ വീടുകളും കയറണം .

**കിടപ്പു രോഗികളുടെ ലിസ്റ്റ് പുതുക്കണം .

***വിതരണം ചെയ്യുന്ന സർവ്വേ ഫോം  സന്ദർശന  വേളയിൽ പൂരിപ്പിച്ചു ജനുവരി 10 ന് ജില്ലയിൽ കിട്ടണം 

***സോണിനു സ്വന്തമായി വാഹനം സംഘടിപ്പിക്കണം .ഓംനി വാൻ ആകാം 

***irpc ക്കുള്ള  സംഭാവന ഫണ്ടുകൾ/ ചെക്ക്  മുഴുവൻ ജില്ലാസമിതിക്കുള്ളതാണ് .

(ചർച്ചാ  വേളയിൽ ഈ തീരുമാനത്തിന്റെ  പ്രായോഗിക പ്രശ്നങ്ങൾ ശ്രദ്ധയിൽ പ്പെടുത്തി.)

***ഹുണ്ടിക പെട്ടി വരവിന്റെ  25 ശതമാനം ജില്ലക്ക് ലഭിക്കണം .

****ഡിസംബർ 25 നുള്ളിൽ ഹുണ്ടിക പെട്ടി വരവിന്റെ  വിഹിതം ജില്ലയിൽ തരണം .

***ഉണർവ് പുനരാരംഭിക്കണം (ആലക്കോട് 3 കേന്ദ്രങ്ങളിൽ നടക്കുന്നു )

*** coop ആശുപത്രിയിൽ 3 bed കിടത്തി പരിചരണത്തിന് മാറ്റിവെക്കുന്ന രീതി പുനരാരംഭിക്കണം .

***മറ്റു ആവശ്യമുള്ള ഉപകരണങ്ങൾ പ്രാദേശികമായി സ്പോൺസർമാരെ കണ്ടെത്തി വാങ്ങണം .

**oxygen concentratrator പ്രാദേശികമായി സ്പോൺസർമാരെ കണ്ടെത്തി വാങ്ങണം .

***ഇത്തരം സാധനങ്ങൾ മൊത്തവിതരണ നിരക്കിൽ ലഭിക്കാൻ ജില്ലാ കമ്മിറ്റി സഹായിക്കും (THROUGH  PURCHASE COMMITEE,AKG HOSPITAL)

***ലോക്കൽ കമ്മിറ്റി പുനഃസംഘടനാ തീയതികൾ നിർദ്ദേശിക്കപ്പെട്ടു   .(കൊട്ടയാട്‌ ഡിസമ്പർ 22 )

***സോൺ തല വളണ്ടിയർ പരിശീലനം-ജനുവരി 2 :  ഓരോ ലോക്കലിൽ നിന്നും 10 പേർ വീതം പങ്കെടുക്കണം .(ഇത്തരം പരിശീലനങ്ങൾ വളന്റിയർമാരുടെ സ്കിൽ വർദ്ധിപ്പിക്കാൻ  മതിയാകില്ലെന്നു  ചർച്ച വന്നു )

***വളണ്ടിയര്മാര്ക്കുള്ള ബാഡ്‌ജ് 4 പേർക്കുള്ളത് കണ്ണൂരിൽ പോയി എടുക്കാവുന്നതാണ് .

***ബിപി / ബ്ലഡ് ഗ്ളൂക്കോസ് ലവൽ ഒക്കെ അളക്കുന്നതിനു വലിയ പരിശീലനത്തിന്റെ ആവശ്യമില്ല ! (-പുതിയ ജില്ലാ സെക്രട്ടറി )

( ഈ അഭിപ്രായവും  പുനഃ പരിശോധിക്കപ്പെടേണ്ടതാണ്  , പ്രത്യേകിച്ചും ,പൾസ്‌ നോക്കാൻ പോലും പരിശീലനം വേണ്ടതുണ്ടെന്ന ,ചർച്ചയിൽ വന്ന അഭിപ്രായങ്ങളുടെ അടിസ്ഥാനത്തിൽ -ckr )

15 12 2021 ന്റെ ഗൃഹ സന്ദർശന റിപ്പോർട്ട്

 

15 12 2021 ന്റെ പ്രവർത്തന റിപ്പോർട്ട് 

ബിപി / ഗ്ലൂക്കോസ് ലവൽ / ...തുടങ്ങിയ പരിശോധനകൾ നടത്താൻ പരിശീലനം കിട്ടിയ വളണ്ടിയർമാർ - 2 + 9 

ഇത്തവണത്തെ ഗൃഹ സന്ദർശനത്തിൽ ലോക്കലിൽ ആകെ പങ്കെടുത്ത വളണ്ടിയർമാരുടെ എണ്ണം - 13 +20 =33 

സന്ദർശിച്ച കിടപ്പു രോഗികളുടെ എണ്ണം -19 +19 =38 

സന്ദർശനം റിപ്പോർട് ചെയ്യാത്ത മേഖലകൾ - കാവുങ്കുടി (വിനു ), കാലായിമുക്ക് , മൊറാനി ,നെല്ലിക്കുന്ന് 

*******************************************

മേഖലയിലെ ആകെ കിടപ്പു രോഗികളുടെ എണ്ണം-32 +25 =57 

പ്രായാധിക്യം മാത്രം -3 +10 

കാൻസർ -3 +2 

ജന്മനാ ഭിന്നശേഷി വിഭാഗം - 1 +1

അംഗ വൈകല്യം (രോഗം / അപകടം )- 4 + 0 

സ്ട്രോക്ക് -5 +2 =7 

പ്രമേഹം / തളർച്ച / അവയവ ഭംഗം -2+1

നട്ടെല്ല് പ്രശ്നം / ഞരമ്പ്  സങ്കീർണത -2 + 1

ഹൃദയസംബന്ധം - 2+0

മാനസികപ്രശനം -3 +0 

മറ്റു പ്രശ്നങ്ങൾ -17 +7

******ഇത് അന്തിമ ലിസ്റ്റല്ല -പൂർണമാക്കാനുള്ളത് .......

Report from branches

ഇ എം സ് നഗർ ബ്രാഞ്ച്

IRPC യുടെ ഗൃഹസന്ദര്ശനത്തിന്റെ ഭാഗമായി ഇ എം സ് നഗർ ബ്രാഞ്ച് രണ്ട് വീടുകൾ സന്ദർശിച്ചു പുതുശ്ശേരി നാരായണന്റേതും നെല്ലിക്കശേരി മോഹനൻ എന്നിവരുടെ വീടും രണ്ടു വീടുകളിലായി മൂന്ന് രോഗികളാണുള്ളത് നാരായണൻ, മോഹനൻ നെല്ലിക്കശേരി, മോഹനന്റെ മാതാവ്.

koolambi a

 നരിയം പാറ എ ബ്രാഞ്ച്

ഐ. ആർ. പി. സി. സന്നദ്ധ പ്രവർത്തനത്തിന്റെ ഭാഗമായി നരിയം പാറ എ ബ്രാഞ്ച് കിടപ്പുരോഗി സന്നർശനം. എ. ജി. രാമകൃഷ്ണൻ. രേവമ്മ മോഹനൻ. കെ. കെ. രാജേഷ്. കെ. സി. മനോജ്‌. തുടങ്ങിയവർ ബ്രാഞ്ച് പരിധിയിൽ 7വീടുകൾ സന്നർശിച്ചു.. ബെന്നി ചാത്ത നാട്ട്.മേരി ആലം തീറ്റ. രവീന്ദ്രൻ വലിയ പറയ്ക്കൽ. പാത്തുമ്മ. സി. എച്. ഭാസ്കരൻ കല്ല. തിരുമ കല്ല അജിത്.

 നരിയമ്പാറB 

നരിയമ്പാറB ലെ ഈ വീട് ഗ്രാമപഞ്ചായത്തു മെമ്പർ സാലിജയിംസ്, ബ്രാഞ്ച് സെക്രട്ടറി ബാബു കെ എന്നിവരോടൊപ്പം കൺവീനറും ഇന്നു സന്ദർശിച്ചു സ്ഥിതിഗിതികൾ വിലയിരുത്തി. ഉടനെ ഇടപെടേണ്ട പ്രശ്നങ്ങൾ ഇല്ല.

 ഇന്ന് നരിയമ്പാറ (B) ൽ4 വീടുകളിൽ പാലിയേറ്റീവ് സന്ദർശനം നടത്തി .ബാബു കീച്ചറ, വിജയൻ നരിയമ്പാറ, സി.കെ രാധാകൃഷ്ണൻ തുടങ്ങിയവർ പങ്കെടുത്തു.

Kottakkadavu

13)memo given ബ്രാഞ്ചിലെ ഗൃഹസന്ദർശനത്തിന്റെ ഭാഗമായി ശേഖരിക്കേണ്ട വിവരങ്ങൾ : കാൻസറിനെ നേരിടുന്നവർ, കിഡ്‌നി സംബന്ധമായ പ്രശ്നങ്ങൾ നേരിടുന്നവർ, ഭിന്നശേഷി വിഭാഗത്തിൽപ്പെട്ടവർ , മറ്റു മാരകരോഗങ്ങളെ നേരിടുന്നവർ ( a ) ഹൃദയസംബന്ധമായ പ്രശ്നങ്ങളുള്ളവർ ( b) പ്രമേഹം.... ( C) സ്ട്രോക്ക്...(d) മറ്റു രോഗങ്ങൾ (e) ശ്രദ്ധയിൽപ്പെട്ട ഗുരുതരമായ മററ് അവസ്ഥകൾ... സ്ത്രീ / പുരുഷൻ/ കുട്ടികൾ. . വേർതിരിച്ചുള്ള എണ്ണം ഓരോ വിഭാഗത്തിലും വേണം, ഫോൺ നമ്പരും.; കൂടാതെ ബ്രാഞ്ചിലെ IRPC പ്രവർത്തനത്തിന് ലഭ്യമായ വളണ്ടിയർമാരുടെ പേരു് / ഫോൺ നമ്പർ ( മിനിമം 4: 2+2)എന്നിവയും ശേഖരിച്ച് Dec 15 ന് വൈകു.8 മണിയോടെ കൺവീനർക്ക് അയക്കാൻ അഭ്യർത്ഥിക്കുന്നു.

പ്രതിവാര പ്രവർത്തന റിപ്പോർട് 19 12 2021

പ്രതിവാര പ്രവർത്തന റിപ്പോർട്  12 12 2021-19 12 2021

13 12 2021 : ഹോപ്പ് പാലിയേറ്റിവ്‌ കെയർ സമിതിയുമായി സഹകരിച്ചു നരിയാൻപാറയിലെ ജോസ് കണ്ണാടിപ്പാറയുടെ ബന്ധുവിന് മടക്കുന്ന ബെഡ് ഏർപ്പാടാക്കി കൊടുത്തു .

15 12 2021 :  ഗൃഹസന്ദര്ശനങ്ങൾ :   ജനുവരി 15 പാലിയെറ്റിവ് ദിനമായി ആചരിക്കുന്നതിന്റെ ഭാഗമായി ബ്രാഞ്ചുതലത്തിൽ ഗൃഹസന്ദര്ശനങ്ങൾ നടത്തി .മൊറാനി ,ഒറ്റമുണ്ട ,നെല്ലിക്കുന്ന് മേഖലയിൽ നിന്നും റിപ്പോർട്ടുകൾ ഇല്ല .മറ്റു ബ്രാഞ്ചുകളിൽ കാര്യമായ പ്രവർത്തനം നടന്നിട്ടുണ്ട് . കൂളാമ്പിയിൽ ഒരു കിടപ്പു രോഗിക്ക് ഒരു ഫാനിൻറെ ആവശ്യകത കണ്ടെത്തി .നരിയാൻപാറ ഒരു രോഗിക്ക് ഒരു റേഡിയോ കിട്ടിയാൽ കൊള്ളാമെന്നു ണ്ട് .

വിശദമായ റിപ്പോർട്ടിന് ഇവിടെ ക്ലിക്കുക 

17.12.2021 : ആലക്കോട്  സോൺ മീറ്റിംഗിൽ വിക്രമൻ ടി ജി , സി കെ രാധാകൃഷ്ണൻ എന്നിവർ പങ്കെടുത്തു .ലോക്കലിലെ പ്രവർത്തന ങ്ങളും ആവശ്യങ്ങളും സി കെ രാധാകൃഷ്ണൻ റിപ്പോർട് ചെയ്തു .

വിശദമായ റിപ്പോർട്ടിന് ഇവിടെ ക്ലിക്കുക 

19 12 2021 കോട്ടക്കടവ് ജീവിത ശൈലി രോഗ മുന്നറിയിപ്പു കേന്ദ്ര ത്തിൽ

1 .കരുവഞ്ചാൽ  കോട്ടക്കടവിൽ IRPC കൊട്ടയാട് ലോക്കൽ യൂണിറ്റിന്റേയും കോട്ടക്കടവ് സ്റ്റാർ ആർട്സ് ആൻഡ് സ്പോർട്സ് ക്ലബ്ബിന്റേയും  നേതൃത്വത്തിലുള്ള  ജീവിത ശൈലി രോഗ മുന്നറിയിപ്പു കേന്ദ്ര ത്തിൽ പ്രതിമാസ സൗജന്യ പരിശോധനക്കുള്ള  സ്ഥിരം സംവിധാനവും  പരിശോധനകാർഡ് വിതരണവും പ്രവർത്തനം തുടർന്നു .31 പേർ പരിശോധനയിൽ പങ്കെടുത്തു.

 2 .കോട്ടക്കടവിൽ പാലിയേറ്റീവ് ഗൃഹസന്ദർശനം നടത്തി . ബിപി , ബ്ലഡ് ഗ്ളൂക്കോസ് , ഓക്സിമീറ്റർ പരിശോധന നടത്തി .(സജീവൻ , അദ്ദേഹത്തിൻ്റെ 'അമ്മ എന്നിവരെയാണ് പരിശോധിച്ചത് )

3 .പുതുതായി ഒരു  വളന്റിയർ (സരിതാ കൃഷ്ണൻ ) കൂടി പ്രാഥമിക പരിശീലനം നേടി .

4 .നേത്ര രോഗപരിശോധനാക്യാമ്പിന്റെ മുന്നൊരുക്കങ്ങൾ ചെയ്തു . പരിസരശുചീ കരണം,ബാനർ കെട്ടൽ , പ്രോഗ്രാം നോട്ടീസ് പ്രിന്റിംഗ്  തുടങ്ങിയവ ചെയ്തു  .

5 .കൃത്രിമക്കാലുകൾ സൗജ ന്യമായി ലഭ്യമാക്കാനുള്ള ലയൺസ്  ക്ലബ്ബിന്റെ പ്രോഗ്രാം കോട്ടക്കടവിലെ കൃത്രിമ ക്കാൽ ആവശ്യമുള്ള വ്യക്തിയുടെ കുടുംബത്തെ അറിയിച്ചു .

10.12.2021 ന് ചേർന്ന കമ്മിറ്റി തീരുമാനങ്ങൾ:

 10.12.2021 ന് ചേർന്ന കൊട്ടയാട്‌  IRPC ലോക്കൽ കമ്മിറ്റി തീരുമാനങ്ങൾ:

 (1 ) പാലീയേറ്റീവ് കെയർ ദിന ഗൃഹസന്ദർശത്തിന്റെ ഭാഗമായി Dec 15 ന് എല്ലാ ബ്രാഞ്ചുകളിലും  കിടപ്പു രോഗികളെ  വീട്ടിൽ ചെന്നു കാണുകയും വിവരങ്ങൾ ശേഖരിക്കുകയും വേണം. ഈ വർഷത്തെ ഇതു വരെയുള്ള സന്ദർശനങ്ങളിൽ പുതപ്പു പോലെയുള്ള ഉപഹാരങ്ങൾ ഒന്നും നൽകാത്ത വീടുകളാണെങ്കിൽ, ബ്രാഞ്ച് തലത്തിൽ തന്നെ സ്പോൺസറെ കണ്ടെത്തി ,ഒരു ചെറിയ ഉപഹാരമെങ്കിലും നൽകേണ്ടതാണ്.

 (2) സന്ദർശന സമയത്ത് വീടുകളിൽ നിന്നും ശേഖരിക്കാനുള്ള വിവരങ്ങൾ ഈ കുറിപ്പിന്റെ അവസാന ഭാഗത്ത്‌ ചേർക്കുന്നതാണ്.

 (3) എല്ലാ ബ്രാഞ്ചിലും 10 സംഭാവനപ്പെട്ടികൾ കൂടി വെക്കേണ്ടതാണ്. പെട്ടികൾ ലോക്കൽ തലത്തിൽ എത്തിച്ചു തരുന്നതാണ്.

 (4) അരങ്ങം ഉത്സവവുമായി ബന്ധപ്പെട്ട് IRPC help Desk ഫലപ്രദമായി പ്രവർത്തനം നടത്താൻ വേണ്ട വളണ്ടിയർമാരെ ലോക്കലിൽ നിന്നും നൽകുന്നതാണ്. എല്ലാ ദിവസങ്ങളിലും 7 മണി മുതൽ 10 മണി വരെയും ഇവിടെ വളണ്ടിയർമാർ ഉണ്ടാകേണ്ടതാണ്. ഇതിന്റെ ക്രമീകരണം സോണൽ തലത്തിലാണ് നടക്കുന്നത്. അവർ ഈ പ്രവർത്തനത്തിൽ ആരോഗ്യ വകുപ്പിന്റെ സഹായo കൂടി ഉറപ്പു വരുത്തുന്നതാണ്. ലോക്കലിൽ നിന്നുള്ള വളണ്ടിയർമാർക്കുള്ള  ബാഡ്ജ് ലോക്കൽ തലത്തിൽ നേരത്തേ തയ്യാറാക്കി നൽകേണ്ടതാണ്.

 (5) കോട്ടക്കടവ് സ്റ്റാർ ആർട്സ് & സ്പോർട്സ് ക്ലബ്ബിന്റെയും കണ്ണൂർ ജില്ലാ ഗവ. ആശുപത്രിയുടെ മൊബൈൽ നേത്ര പരിശോധനാ സംവിധാനത്തിന്റെയും ആഭിമുഖ്യത്തിൽ Dec 20 ന് നടത്തുന്ന സൗജന്യ നേത്രപരിശോധനാ ക്യാമ്പിന്  വളണ്ടിയർമാരെ നൽകുന്നത് ഉൾപ്പെടെ നടത്തിപ്പിന്  ആവശ്യമായ സഹകരണം നൽകാൻ തീരുമാനിച്ചു. ക്യാമ്പിലേക്ക് ഓരോ ബ്രാഞ്ചിൽ നിന്നും 5-10 പേരെ നേത്രരോഗ പരിശോധനക്കായി രജിസ്റ്റർ ചെയ്യാൻ ശ്രമിക്കേണ്ടതാണ്.അതുമായി ബന്ധപ്പെട്ട വിവരങ്ങൾ ഗണേശൻ പി ( കോട്ടക്കടവിനെ ) എത്രയും പെട്ടെന്ന് അറിയിക്കേണ്ടതാണ്.

(6) ജീവിത ശൈലി രോഗ പരിശോധനാ ക്ലിനിക്കുകൾ എല്ലാ ബ്രാഞ്ചുകളിലേക്കും വ്യാപിപ്പിക്കാൻ തീരുമാനിച്ചു. അതിന്റെ ഭാഗമായി വളണ്ടിയർ പരിശീലനം ഇതേ വരെ നടക്കാത്ത ബ്രാഞ്ചുകളിൽ  എത്രയും പെട്ടെന്ന് നടത്താൻ തീരുമാനിച്ചു. കോട്ടക്കടവിൽ Dec 19 ന് പ്രതിമാസ ക്ലിനിക്ക് പ്രവർത്തനം തുടരുന്നതാണ്.

 (7) നരിയമ്പാറയിൽ  കാൻസർ രോഗിയായ കുട്ടിയുടെ ( C/O എടശ്ശേരി സരോജിനി ) ചികിത്സക്കായുള്ള തിരുവനന്തപുരം യാത്രയുടെ ചിലവ് കണ്ടെത്തുന്ന കാര്യം ചർച്ച ചെയ്തു.കുട്ടിയുടെ വീട് സന്ദർശിച്ച് പ്രശ്നം വിലയിരുത്തി വേണ്ടുന്നത് ചെയ്യാൻ കൺവീനറേയും ശ്രീ ബാബു കീച്ചറയേയും ചുമതലപ്പെടുത്തി.

(8) പാലിയേറ്റീവ് ഗൃഹസന്ദർശനങ്ങൾ ഇനി മുതൽ ബ്രാഞ്ച് തലത്തിൽ മാസത്തിൽ ഒരു തവണ നിർബന്ധമായും നടത്തേണ്ടതാണ്.

 മറ്റു വിവരങ്ങൾ:

 (9) Dec 17 ന് സോണൽ വിവരശേഖരണത്തിനായി ജില്ലാ സെക്രട്ടറി നേരിട്ട് എത്തുന്നതാണ്.

(10) ജീവിത ശൈലി രോഗ ക്ലിനിക്കുകൾ നടത്തുമ്പോൾ അതതു ബ്രാഞ്ചിൽ ഓരോ വ്യക്തിക്കും പരിശോധന ഫലങ്ങൾ രേഖപ്പെടുത്താൻ കഴിയുന്ന Health  Card കൾ  വിതരണം ചെയ്യേണ്ടതാണ് 

(11) ആയുർവേദ മേഖലയുമായി ബന്ധപ്പെട്ട് പാലിയേറ്റീവ് കെയറിലേക്ക് സഹായങ്ങൾ ലഭ്യമാക്കാൻ ശ്രമിക്കേണ്ടതാണ്.

********************************************************************

ശ്രീ ടി ജി വിക്രമൻ (അധ്യക്ഷൻ )സോണൽ തീരുമാനങ്ങൾ റിപ്പോർട് ചെയ്തു . ചർച്ചയിൽ പി ആർ , വിപിൻ നരിയംപാറ  ,സുമിത്രൻ മോറാനി   , ബാബു  കെ നരിയൻപാറ  , സജീവൻ കാവുങ്കുടി , ബിജിത കൂളാമ്പി  തുടങ്ങിയവർ പങ്കെടുത്തു .രാമകൃഷ്ണൻ എ ജി , ഗണേശൻ പി , മാത്യു എം ജെ , രാധാകൃഷ്ണൻ ഒറ്റമുണ്ട എന്നിവർ പങ്കെടുക്കുന്നതിൽ അസൗകര്യം അറിയിച്ചിരുന്നു .ഒറ്റമുണ്ട , നെല്ലിക്കുന്നു ബ്രാഞ്ചുകളിൽ നിന്നും പ്രാതിനിധ്യ പങ്കാളിത്തം ഉണ്ടായില്ല .ഓഫ് ലൈൻ മീറ്റിംഗിൽ പത്തു പേരാണ് പങ്കെടുത്തത് .

************

ആയുർവേദ മേഖല : Contact no.DOCTOR SHAJU -9400114104

LOCAL MEETING REPORT

 REPORT :ഡ്രാഫ്റ്റ് 

സാമ്പത്തിക റിപ്പോർട് :

31.10.2021 വരെ  വരവ് -  39073 ; ചെലവ് -28660 ; ബാക്കി 10 413 - ബാങ്കിൽ ഡെപ്പോസിറ് 14095 . കൺവീന ർക്കു ബാങ്കിൽ നിന്നും പിൻവലിച്ചു കിട്ടാനുള്ളത് -4495 

ധന്യ വിനോയ് കുടുംബത്തിന്  IRPC ഗ്രൂപ്പിൽ നിന്നും പിരിഞ്ഞുകിട്ടിയതു -3700 +1300 =5000 .5000 രൂപ ഇന്നലെ രാത്രി തന്നെ ധന്യ വിനോയ് യുടെ അക്കൗണ്ടിലേക്കു ട്രാൻസ്ഫർ ചെയ്തു.ഇവരു ടെ തുടർ ചികിത്സക്കുള്ള പണം കണ്ടെത്താൻ ഇനി പാർട്ടി തലത്തിൽ ആലോചിക്കേണ്ടിവരുമെന്നു സൂചി പ്പിക്കുന്നു .

ശ്രദ്ധയിൽ വന്ന മറ്റു പ്രശ്നങ്ങൾ 

നരിയാൻപാറ - പ്രതിമാസം 1000 രൂപ മരുന്നിനു ആവശ്യമുള്ള കുടുംബം .

കൂളാമ്പി -പ്രതിദിനം 100 രൂപ മരുന്നിനു ആവശ്യമുള്ള കുടുംബം .

നിർദ്ദേശം 

സാമ്പത്തിക പ്രതിസന്ധി ഉണ്ട് .പ്രതിമാസം 4000 രൂപയോളം  വേണ്ടിവരുന്ന കേസുകൾ റിപ്പോർട് ചെയ്തിട്ടുണ്ട് . മിനിമം 100 രൂപ വെച്ച് പ്രതിമാസം എല്ലാ അംഗങ്ങളും എടുക്കുന്ന ഒരു തീരുമാനം ഉണ്ടാകണം .ആ തുക നേരിട്ട് ബാങ്കിൽ നിക്ഷേപിക്കാനും എക്സിക്യൂട്ടീവ് കമ്മിറ്റി തീരുമാനപ്രകാരം കിടപ്പുരോഗികൾക്കു ആവശ്യമെങ്കിൽ സഹായം നൽകാനും മാത്രം ഉപയോഗിക്കണം .മറ്റു  ബ്രാഞ്ചുതല തനതു പരിപാടികൾക്ക് അതാതു ബ്രാഞ്ചിൽ തന്നെ തുക കണ്ടെത്തണം .കൂടുതൽ സ്പോൺസർമാരെ കണ്ടെത്തണം .

കൃത്രിമക്കാൽ ആവശ്യമുള്ള കോട്ടക്കടവിലെ വ്യക്തിയുടെ കുടുംബത്തിനുള്ള തുടർപിന്തുണ യിൽ IRPC യുടെ റോൾ തീരുമാനിക്കണം .

മറ്റു വിഷയങ്ങൾ പൊതുവിൽ 

ആകെ 29ധനശേഖരണ പെട്ടികൾ  വിതരണം ചെയ്തു . 2 എണ്ണം ബാക്കി ഉണ്ട് .( ലിസ്റ്റ് പൂര്ണമാക്കാനുണ്ട് )കലക്ഷൻ കോട്ടക്കടവ് ,ഒറ്റമുണ്ട , കാവിൻകൂടി , നെല്ലിക്കുന്ന് മേഖലകളിൽ അടുത്താഴ്ച തുടങ്ങണം .ബ്രാഞ്ച് സെക്രട്ടറിമാർ സ്വന്തം വീടുകളിൽ  ഓരോ പെട്ടി വെച്ച് തുടങ്ങിയിട്ടുണ്ട് .പെട്ടികളിൽ നിന്നുള്ള കളക്ഷൻ പകുതി DC കൊടുക്കണം എന്ന് ഇന്നലെ സോൺ കൺവീനർ പ്രത്യേകം പറഞ്ഞിട്ടുണ്ട് . 

കൂളാമ്പിയിൽ ജീവിത ശൈലി രോഗ മുന്നറിയിപ്പു കേന്ദ്ര ത്തിൽ പ്രതിമാസ സൗജന്യ പരിശോധനക്കുള്ള  സ്ഥിരം സംവിധാനം തുടങ്ങാനുള്ള പ്ലാനുണ്ട് .ചെലവ് അതാതിടത്തു തന്നെ വഹിക്കപ്പെടണം .മറ്റു മേഖലകളി ലേക്കും  ഇത് തുടങ്ങണം .

കുട്ടികളുടെ ജോലി  അഭിലാഷങ്ങൾ ( CAREER THOUGHTS ) വിലയിരുത്തി ആരോഗ്യരംഗത്തേക്കു  വിദഗ്ദ്ധന്മാരായി  വരാനുള്ള വിധത്തിൽ  ചർച്ചകൾ/ ഗൈഡൻസ് ക്ലാസുകൾ  നടത്തണം .

ബ്ലഡ് ഡൊനേഷൻ ക്യാംപ് ,നേതൃ പരിശോധന ക്യാമ്പ് ഇതൊക്കെ സാദ്ധ്യതകൾ ഉണ്ട് .

ഈ വര്ഷം പുതിയ കൺവീനറെ കണ്ടെത്തി ചുമതല ഏൽപ്പിക്കണം .

എക്സിക്യൂട്ടീവ് കമ്മിറ്റി രൂപീകരിച്ചു ഓഫ് ലൈൻ മീറ്റിംഗുകൾ നടത്തണം .

ഇനം തിരിച്ചു റിപ്പോർട്ട് 

1.ഏരിയ സമ്മേളനത്തിൽ IRPC  ആവശ്യമായ പങ്കാളിത്തം നൽകി വിജയിപ്പിക്കണം -4  വളണ്ടിയർമാർ കോട്ടക്കടവ്/ നരിയൻപാറ / കൂളാമ്പി / കാവുങ്കുടി മേഖലകളിൽ നിന്നുമായി നവംബർ 22    തീയതി ഒരു ദിവസം ബിപി തുടങ്ങിയ ....പരിശോധനക്കായി  ഉണ്ടാകണം .

2 .കരുവഞ്ചാൽ  കോട്ടക്കടവിൽ IRPC കൊട്ടയാട് ലോക്കൽ യൂണിറ്റിന്റേയും കോട്ടക്കടവ് സ്റ്റാർ ആർട്സ് ആൻഡ് സ്പോർട്സ് ക്ലബ്ബിന്റേയും  നേതൃത്വത്തിലുള്ള  ജീവിത ശൈലി രോഗ മുന്നറിയിപ്പു കേന്ദ്ര ത്തിൽ പ്രതിമാസ സൗജന്യ പരിശോധനക്കുള്ള  സ്ഥിരം സംവിധാനത്തിന്റെ ഭാഗമായി  പരിശോധനകാർഡ് വിതരണം നടന്നു .

3 .പരിശോധനാ കാർഡുകൾ സ്പോൺസർ ചെയ്ത മനോജ് കോട്ടക്കടവിനെ   പ്രത്യേകം അഭിനന്ദിക്കുന്നു .

4 .സാന്ത്വന പ്രവർത്തനം -07 11 2021  രാവിലെ 10.30 ന്  ഒറ്റമുണ്ടയിൽ കിടപ്പു രോഗിയെ സന്ദർശിച്ചു .

5 .കൃത്രിമക്കാൽ ആവശ്യമുള്ള കോട്ടക്കടവിലെ വ്യക്തിയുടെ കുടുംബത്തിനുള്ള തുടർപിന്തുണ  ചർച്ച ചെയ്യണം .

6 .IRPC വളണ്ടിയർമാർ -പി.കെ.രാജീവൻ, ആസാദ് കുമാർ സി .എൻ , ബെന്നി എം എം  ,ഗിരീഷ് സി എൻ ,വിപിൻ ഭാസ്കർ , സൗമ്യ മോഹനൻ-ആദരിക്കപ്പെട്ടു .30/10/2021

സി പി എം സംസ്ഥാന കമ്മിറ്റി അംഗം  ജെയിംസ് മാത്യു ക്യാമ്പ് സന്ദർശിച്ചു .

7 .മൈക്രോപാലിയേറ്റീവ് കെയർ ക്യാമ്പ്  -കോട്ടക്കടവ്/  / കൂളാമ്പി / -കാവിൻകുടി 10102021- നടന്നു 

മറ്റു മേഖലകളിൽ (ഒറ്റമുണ്ട / നെല്ലിപ്പാറ /...) ഏറ്റെടുക്കണം .

8 വളണ്ടിയർമാർ -

നീതു കാവിൻകുടി  , നയന കാവുങ്കുടി,ശോഭ , സൗമ്യ , ബിജിത ,സിന്ധു ,മുബീന ,

9. ഓക്സിജൻ സിലിണ്ടർ കാൻസറിനെ നേരിടുന്ന വ്യക്തിയുടെ വീട്ടിലെത്തിച്ചു.സാബു  മാസ്റ്റർ, സജീവൻ കാവുങ്കുടി  ,രാമകൃഷ്ണൻ എ.ജി ,  സഹകരിച്ച ആലക്കോട് കോഓപ്പറേറ്റീവ് ഹോസ്പിറ്റൽ അധികൃതർ എന്നിവരെ  അനുമോദിക്കുന്നു .

10.മദ്യപാനവും മകന്റെ രോഗാവസ്ഥയും കാരണം മാനസിക പ്രശ്നങ്ങൾ നേരിടുന്ന ഒരു രോഗിക്ക് ചികിത്സാ സൗകര്യം ലഭ്യമാക്കി. തനിച്ചായ അയാളുടെ പ്രായമായ അമ്മക്ക്  താൽക്കാലിക അഭയം സൗകര്യപ്പെടുത്തി. പ്രവർത്തനങ്ങളിൽ ഗ്രാമ പഞ്ചായത്ത് മെമ്പർ സാലി ജയിംസ്, രാമകൃഷ്ണൻ എ ജി, ബാബു കീച്ചറ, വിപിൻ ഭാസ്കരൻ, അഖിൽ രാജേന്ദ്രപ്രസാദ് ,ഷാജി, രാധാകൃഷ്ണൻ സി.കെ തുടങ്ങിയവർ  പങ്കെടുത്തു.

10 .ആശുപത്രി സേവനം ഉൾപ്പെടുന്ന വളണ്ടിയർ പ്രവർത്തനത്തിൽ മേഖലയിലെ   ചെറുപ്പക്കാർ കാണിച്ച വിമുഖത ചർച്ച ചെയ്യപ്പെടേണ്ട ഒരു വിഷയമാണ്.

11 .വിതരണം ചെയ്യാതെ  വെച്ച പെട്ടികൾ ബ്രാഞ്ചുകളിൽ വിതരണം ചെയ്തിട്ടുണ്ട് . 2 പെട്ടികൾ ബാക്കിയുണ്ട് .

12 ബാഡ്ജുകൾ ഏരിയ സമ്മേളനത്തിൽ നല്കാൻ പറ്റുമോ ?

ജീവിത ശൈലി രോഗ മുന്നറിയിപ്പു കേന്ദ്രം ആലക്കോട് കോട്ടക്കടവിൽ

 നവംബർ  14  ഞായർ 10 AM :കോട്ടക്കടവ് (കരുവഞ്ചാൽ )

കരുവഞ്ചാൽ  കോട്ടക്കടവിൽ IRPC കൊട്ടയാട് ലോക്കൽ യൂണിറ്റിന്റേയും കോട്ടക്കടവ് സ്റ്റാർ ആർട്സ് ആൻഡ് സ്പോർട്സ് ക്ലബ്ബിന്റേയും  നേതൃത്വത്തിലുള്ള  ജീവിത ശൈലി രോഗ മുന്നറിയിപ്പു കേന്ദ്ര ത്തിൽ പ്രതിമാസ സൗജന്യ പരിശോധനക്കുള്ള  സ്ഥിരം സംവിധാനവും  പരിശോധനകാർഡ് വിതരണവും  IRPC ആലക്കോട് സോൺ കൺവീനർ കെ വി രാഘവൻ  ഉദ്‌ഘാടനം ചെയ്തു .IRPC കൊട്ടയാട് ലോക്കൽ യൂണിറ്റ്  ചെയർമാൻ   ടി ജി വിക്രമൻ അദ്ധ്യക്ഷത  വഹിച്ചു .സിന്ധു മനോജ് , ദിപിൻ , ആൽബിൻ ,വൈഷ്‌ണവ് പി ആർ ,മിലൻ തുടങ്ങിയവർ ക്യാമ്പ് പ്രവർത്തനങ്ങൾക്കു നേതൃത്വം നൽകി .പരിശോധനാ കാർഡുകൾ സ്പോൺസർ ചെയ്ത മനോജ് കോട്ട ക്കടവിനെ  യോഗം പ്രത്യേകം അഭിനന്ദിച്ചു  .

IRPC വളണ്ടിയര്മാരായ ഗണേശൻ പി(സ്വാഗതം ).സി കെ രാധാകൃഷ്ണൻ ,സൗമ്യ കോട്ടക്കടവ് (കൃതജ്ഞത )  എന്നിവർ സംസാരിച്ചു .62 പേർ ക്യാമ്പിൽ സൗജന്യ ജീവിത ശൈലീ രോഗ നിർണയ പരിശോധനക്ക് വിധേയരായി .കേരളം ഒന്നാകെയുള്ള ജീവിത ശൈലീ രോഗ രജിസ്ട്രി തയ്യാറാക്കുമെന്ന ആരോഗ്യ മന്ത്രിയുടെ പ്രഖ്യാപനത്തിന്റെ പശ്ചാത്ത ലത്തിൽ IRPC കൊട്ടയാട് ലോക്കൽ യൂണിറ്റിൻറെ നേതൃത്വത്തിൽ 2021 മെയ് മാസം മുതൽ നടന്നു വരുന്ന പാലിയേറ്ററിവ്  കെയർ മൈക്രോ പരിശീലന ക്യാമ്പുകളും ജീവിത ശൈലീ രോഗ നിർണയ ക്യാമ്പുകളും അവയെ തുടർന്ന് തയ്യാറാക്കിയ പഠന റിപ്പോർട്ടുകളും സാർത്ഥകമാവുകയാണ് . ഈ പഠനറിപ്പോർട്ടുകളെ അടിസ്ഥാനമാക്കി IRPC കൊട്ടയാട് ലോക്കൽ യൂണിറ്റ് 2021 സെപ്റ്റംബർ 1 ന് കേരള  ആരോഗ്യ മന്ത്രിയുടെ ഫേസ്ബുക് പേജിൽ  സമർപ്പിച്ച  നിവേദനത്തിൽ കേരളമൊട്ടാകെ വാർഡ് തലത്തിൽ ജീവിത ശൈലീ രോഗ പരിശോധന ക്യാമ്പുകൾ അടിയന്തിരമായി ആരംഭിക്കേണ്ടുന്നതിന്റെ ആവശ്യകത ചൂണ്ടിക്കാട്ടിയിരുന്നു എന്നതും ശ്രദ്ധേയമാണ് .കോട്ടക്കടവിൽ അടുത്ത  പ്രതിമാസ ജീവിത ശൈലീ പരിശോധന 2021 ഡിസംബർ 19 നു നടക്കുന്നതാണ് .

പഠന റിപോർട്ടുകൾ 

ഫേസ്ബുക്കിൽ സമർപ്പിച്ച നിവേദനം 

ജീവിത ശൈലീ രോഗങ്ങളെ കുറിച്ചുള്ള മന്ത്രിയുടെ പ്രസ്താവന 

ക്യാമ്പ് ചിത്രങ്ങൾ  വീഡിയോ 

ജീവിതശൈലി രോഗ രജിസ്ട്രി തയ്യാറാക്കുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ്

 സംസ്ഥാനത്ത് ജീവിതശൈലി രോഗങ്ങള്‍ വര്‍ധിച്ചു വരുന്ന സാഹചര്യത്തില്‍ ജീവിതശൈലി രോഗ രജിസ്ട്രി തയ്യാറാക്കുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ്. ആശാ പ്രവര്‍ത്തകരുടെ സഹകരണത്തോടുകൂടി ഓരോ വീടും സന്ദര്‍ശിച്ച് 30 വയസിന് മുകളില്‍ പ്രായമുള്ള എല്ലാ ജനങ്ങളുടെയും ജീവിതശൈലി രോഗങ്ങളെ കുറിച്ചും അവയിലേക്ക് നയിക്കുന്ന അപകട സൂചകങ്ങളെ കുറിച്ചും ഒരു ഡേറ്റ ശേഖരിക്കുന്നതാണ്. ഈ ഡേറ്റ സമാഹരണത്തിനുള്ള ഒരു മൊബൈല്‍ ആപ്ലിക്കേഷന്‍ ഇ ഹെല്‍ത്തിന്റെ സഹായത്തോടുകൂടി വികസിപ്പിച്ച് വരികയാണ്. ഇങ്ങനെ ഓരോ വീടുകളില്‍ നിന്നും ശേഖരിക്കുന്ന ഡേറ്റ പഞ്ചായത്ത് തലത്തിലും, ജില്ലാ തലത്തിലും, സംസ്ഥാന തലത്തിലും ക്രോഡീകരിച്ച് കേരളത്തിന്റേതായ ഒരു ജീവിതശൈലി രോഗ രജിസ്ട്രി തയ്യാറാക്കുന്നതാണെന്നും മന്ത്രി വ്യക്തമാക്കി.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

IRPC KOTTAYAD  NEWS :

IRPC കൊട്ടയാട് ലോക്കൽ യൂനിറ്റിന്റെ നേതൃത്വത്തിൽ ജീവിത ശൈലി രോഗ പ്രതിമാസ പരിശോധന ക്ലിനിക്കും വളണ്ടിയർ പരിശീലനവും  കോട്ടക്കടവ് സ്റ്റാർ ക്ലബിൽ വെച്ച് നവമ്പർ 14 ന്  IRPC ആലക്കോട് സോൺ കൺവീനർ ശ്രീ കെ.വി രാഘവൻ ഉദ്ഘാടനം ചെയ്യുന്നു. പരിശോധന രജിസ്റ്റർ ചെയ്ത 100 പേർക്ക് സൗജന്യമായി. സഹകരിക്കുക വിജയിപ്പിക്കുക .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

.......കേരളത്തിലെ എല്ലാ ജനങ്ങളുടെയും ജീവിതശൈലി രോഗങ്ങളെ കുറിച്ചുള്ള ഒരു സമഗ്ര സര്‍വേയായിരിക്കുമിത്. പ്രമേഹം ഉള്‍പ്പെടെയുള്ള ജീവിതശൈലി രോഗങ്ങളുടെ വ്യാപനം കണ്ടെത്തുന്നതിനും ഈ രോഗങ്ങളെ കുറിച്ചുള്ള അവബോധം ജനങ്ങളില്‍ സൃഷ്ടിക്കുന്നതിനും രോഗം കണ്ടെത്തിയവര്‍ക്ക് വിദഗ്ധ ചികിത്സ നല്‍കുന്നതിന് ആരോഗ്യ വകുപ്പ് ആവിഷ്‌ക്കരിച്ച ഒരു സമഗ്രമായ ജീവിതശൈലി രോഗ ക്യാമ്പയിന്റെ ഭാഗമായാണ് ഈ സര്‍വേ നടത്തുന്നത്. പ്രമേഹം, രക്താതിമര്‍ദ്ദം, സി.ഒ.പി.ഡി. തുടങ്ങിയ രോഗങ്ങളും ഓറല്‍ ക്യാന്‍സര്‍, സ്തനാര്‍ബുദം, സര്‍വൈക്കല്‍ കാന്‍സര്‍ തുടങ്ങിയ കാന്‍സറുകളുടേയും നിര്‍ണയമാണ് ഈ ക്യാമ്പയിനിലൂടെ ഉദ്ദേശിക്കുന്നത്.

ജീവിതശൈലി രോഗങ്ങളിലേക്ക് നയിക്കുന്ന അപകട സൂചകങ്ങളായ അനാരോഗ്യകരമായ ഭക്ഷണരീതി, വ്യായാമമില്ലായ്മ, പുകവലി, മദ്യം, ലഹരി തുടങ്ങിയവയോടുള്ള ആസക്തി, മാനസിക പിരിമുറുക്കം ഇവയെ കുറിച്ചുള്ള അവബോധം ജനങ്ങളില്‍ സൃഷ്ടിക്കുന്നതിനും അവരില്‍ ഒരു പുതിയ ജീവിതചര്യ സൃഷ്ടിക്കുന്നതിനും ഈ ക്യാമ്പയിന്‍ കൊണ്ട് ഉദ്ദേശിക്കുന്നു. ഈ സര്‍വേയിലൂടെ കണ്ടെത്തുന്ന എല്ലാ രോഗികള്‍ക്കും മതിയായ ചികിത്സ ഉറപ്പുവരുത്തുന്നതിനും ഇതുവരെ രോഗനിര്‍ണയം നടത്തിയിട്ടില്ലാത്ത ജനങ്ങള്‍ക്കായി പ്രത്യേക ക്യാമ്പുകള്‍ സജ്ജീകരിക്കുന്നതിനും അതിലൂടെ പുതിയ രോഗികളെ നേരത്തെ കണ്ടെത്തുന്നതിനും ഈ ക്യാമ്പയിന്‍ കൊണ്ട് ഉദ്ദേശിക്കുന്നു.

'പ്രമേഹ പരിരക്ഷയ്ക്കുള്ള പ്രാപ്യത ഇപ്പോഴല്ലെങ്കില്‍ എപ്പോള്‍' എന്നതാണ് ഈ വര്‍ഷത്തെ പ്രമേഹ ദിന സന്ദേശം. പ്രമേഹം കണ്ടെത്തുന്നതിനും കണ്ടെത്തിക്കഴിഞ്ഞാല്‍ ചികിത്സിക്കുന്നതിനും ജനങ്ങള്‍ക്ക് ഇന്‍സുലിന്‍ ഉള്‍പ്പെടെയുള്ള മരുന്നുകള്‍ ലഭ്യമാക്കുന്നതിനും ആരോഗ്യരംഗം സജ്ജമാക്കുക എന്നതാണ് ഈ സന്ദേശം കൊണ്ട് ഉദ്ദേശിക്കുന്നത്.

കേരളത്തില്‍ ഇതിന് മുമ്പ് നടന്ന പഠനങ്ങളില്‍ പ്രമേഹ രോഗം വര്‍ധിച്ചു വരുന്നതായാണ് കണക്കുകള്‍ സൂചിപ്പിക്കുന്നത്. ഐ.സി.എം.ആറും ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഡയബറ്റീസും ചേര്‍ന്ന് നടത്തിയ പഠനത്തില്‍ കേരളത്തിലെ 35 ശതമാനത്തോളം പേര്‍ക്ക് പ്രമേഹം ഉണ്ടെന്നാണ് കണ്ടെത്തിയിരിക്കുന്നത്.

ഈ സ്ഥിതിവിശേഷത്തെ ഫലപ്രദമായി നേരിടുന്നതിനും ചികിത്സിക്കുന്നതിനും സംസ്ഥാന ആരോഗ്യവകുപ്പ് അമൃതം ആരോഗ്യം, നയനാമൃതം, പാദസ്പര്‍ശം തുടങ്ങിയ നിരവധി പദ്ധികളാണ് നടപ്പിലാക്കി വരുന്നത്. അമൃതം ആരോഗ്യം പദ്ധതിയിലൂടെ കുടുംബാരോഗ്യ കേന്ദ്രങ്ങള്‍ മുതലുള്ള എല്ലാ ആശുപത്രികളിലും ജീവിതശൈലി രോഗനിര്‍ണയ ക്ലിനിക്കുകള്‍ പ്രവര്‍ത്തിച്ചു വരുന്നു. 30 വയസിന് മുകളില്‍ പ്രായമുള്ള എല്ലാ ജനങ്ങളെയും ജീവിതശൈലി രോഗങ്ങള്‍ക്കായി സ്‌ക്രീനിങ് നടത്തുക, രോഗം കണ്ടെത്തുന്നവര്‍ക്ക് ചികിത്സ നല്‍കുക, ഇന്‍സുലിന്‍ ഉള്‍പ്പെടെയുള്ള മരുന്നുകള്‍ സൗജന്യമായി നല്‍കുക എന്നതാണ് ഈ പദ്ധതി കൊണ്ട് ഉദ്ദേശിച്ചിരിക്കുന്നത്. ഈ പദ്ധതിയിലൂടെ ഏകദേശം 1.27 കോടിയോളം ജനങ്ങളെ ഈ പദ്ധതിയുടെ കീഴില്‍ സ്‌ക്രീനിങ് നടത്തുകയും ഒമ്പത് ലക്ഷത്തോളം പ്രമേഹ രോഗികളെ കണ്ടെത്തുകയും ചെയ്തിട്ടുണ്ട്. ഈ രോഗികള്‍ക്കെല്ലാം മതിയായ ചികിത്സ നല്‍കുന്നതിനും അമൃതം ആരോഗ്യം പദ്ധതിയിലൂടെ സാധ്യമായിട്ടുണ്ടെന്നും മന്ത്രി വ്യക്തമാക്കി.

ക്യാമ്പയിന്റെ ഭാഗമായി ജീവനക്കാര്‍ക്കുള്ള പരിശീലന പരിപാടി നവംബര്‍ 16ന് മന്ത്രി വീണാ ജോര്‍ജ് ഉദ്ഘാടനം ചെയ്യും.

OUR BLOGPOST ON SEPTEMBER 1 , 2021 DEMANDING THIS PROJECT

 https://irpckottayad.blogspot.com/2021/09/blog-post.html

നമ്മൾ സപ്റ്റംബറിൽ ആവശ്യപ്പെട്ട കാര്യം നടപ്പിലാക്കുന്ന ബഹുമാനപ്പെട്ട ആരോഗ്യമന്ത്രിക്ക് അഭിവാദ്യങ്ങൾ⬆️🚩