ലോക്കൽ തല വളണ്ടിയർ പരിശീലനം 2/8/2026

 കൊട്ടയാട്‌ - കരുവഞ്ചാൽ ലോക്കൽ തല വളണ്ടിയർ പരിശീലനത്തിൽ 33+ 3 പേർ പങ്കെടുത്തു .( കൊട്ടയാട്‌ ലോക്കൽ 25 പേർ )2/8/2026 2 PM-4.30 PM

ശ്രീമതി ബീന അഗസ്റ്റിൻ അവതരിപ്പിച്ച ക്ലാസിൽ താഴെ വിവരിച്ച ആശയങ്ങൾ ഉൾപ്പെട്ടിട്ടുണ്ട്. ശ്രദ്ധയോടെ വായിച്ച് ഓരോ വളണ്ടിയറും irpc ഹോം care ന് തയ്യാറെടുക്കണം - കൺവീനർ.

ഐ.ആർ.പി.സി (IRPC - Initiative for Rehabilitation and Palliative Care) വോളന്റിയർമാർക്കായി പാലിയേറ്റീവ് കെയർ (ആശ്വാസ പരിചരണം) നൽകുന്നതിനും, ശാരീരിക-മാനസിക പരിചരണത്തിനും, ദയാവധത്തെക്കുറിച്ചുള്ള (Euthanasia) വ്യക്തതയ്ക്കുമായി തയ്യാറാക്കിയ നിർദ്ദേശങ്ങൾ താഴെ നൽകുന്നു.

​1. ശാരീരിക പരിചരണം (Physical Care - നോൺ-ക്ലിനിക്കൽ)

​വോളന്റിയർമാർ ഡോക്ടർമാരുടെയോ നഴ്സുമാരുടെയോ ക്ലിനിക്കൽ ചികിത്സാ രീതികൾക്ക് പകരക്കാരല്ല, മറിച്ച് രോഗിയുടെ ശാരീരിക അസ്വസ്ഥതകൾ കുറയ്ക്കാനും സുഖകരമായ അന്തരീക്ഷം ഒരുക്കാനും സഹായിക്കുന്നവരാണ്.

​കിടപ്പിലായ രോഗികളുടെ പരിചരണവും ശുചിത്വവും:

​പൊസിഷൻ മാറ്റൽ: കിടപ്പുരോഗികൾക്ക് കിടക്കപ്പുണ്ണ് (bedsores) വരാതിരിക്കാൻ സാധ്യമെങ്കിൽ ഓരോ 2 മണിക്കൂറിലും മൃദുവായി വശം തിരിച്ചു കിടത്തുക.

​കിടക്കയും ചർമ്മവും: ബെഡ്ഷീറ്റ് ഈർപ്പമില്ലാത്തതും മടക്കുകളില്ലാത്തതും വൃത്തിയുള്ളതുമാണെന്ന് ഉറപ്പാക്കുക. ചർമ്മം വരളാതിരിക്കാൻ മോയിസ്ചറൈസറോ വെളിച്ചെണ്ണയോ തേച്ചു കൊടുക്കാം.

​വായിലെ ശുചിത്വം: ഭക്ഷണം കഴിപ്പാൻ പ്രയാസമുള്ളവരും കിടപ്പിലായവരുമായ രോഗികളുടെ വായ നനഞ്ഞ തുണിയോ കോട്ടൺ സ്വാബോ ഉപയോഗിച്ച് ഇടയ്ക്കിടെ വൃത്തിയാക്കുക.

​ചലനക്ഷമതയും സഹായവും:

​രോഗിയെ കട്ടിലിൽ നിന്ന് വീൽചെയറിലേക്ക് മാറ്റുമ്പോഴും അല്ലെങ്കിൽ ഇരുത്തുമ്പോഴും രോഗിക്കും വോളന്റിയർക്കും പരിക്കേൽക്കാത്ത രീതിയിലുള്ള ശരിയായ ബോഡി പൊസിഷൻ ഉപയോഗിക്കുക.

​വീട്ടിലെ പാലിയേറ്റീവ് നഴ്സിന്റെ നിർദ്ദേശപ്രകാരം മാത്രം ചെറിയ രീതിയിലുള്ള സ്ട്രെച്ചിംഗുകൾക്ക് സഹായിക്കുക.

​അന്തരീക്ഷവും പോഷകാഹാരവും:

​രോഗിയുടെ മുറി നല്ല വെളിച്ചവും വായുസഞ്ചാരവുമുള്ളതും ശാന്തവുമാക്കി നിലനിർത്തുക.

​രോഗിക്ക് കഴിക്കാൻ എളുപ്പമുള്ള, ദഹിക്കുന്ന ഭക്ഷണം നൽകാൻ സഹായിക്കുക. ഒരിക്കലും ബലമായി ആഹാരം കഴിക്കാൻ നിർബന്ധിക്കരുത്.

  നഴ്സിനെയോ ഡോക്ടറെയോ ഉടൻ അറിയിക്കേണ്ട ലക്ഷണങ്ങൾ:

​പെട്ടെന്നുണ്ടാകുന്ന കഠിനമായ വേദന, ശ്വാസംമുട്ടൽ, അല്ലെങ്കിൽ അസ്വസ്ഥത/മാനസിക വിഭ്രാന്തി.

​ചർമ്മത്തിൽ ചുവന്ന പാടുകൾ (കിടക്കപ്പുണ്ണിന്റെ ആദ്യ ലക്ഷണം), പനി, അല്ലെങ്കിൽ മൂത്ര തടസ്സം.

​2. മാനസികവും സാമൂഹികവുമായ പിന്തുണ (Emotional Care)

​ദീർഘകാല രോഗബാധിതരായ വ്യക്തികൾക്ക് ശാരീരിക വേദനയേക്കാൾ വലുതായിരിക്കാം ഒറ്റപ്പെടലും വിഷാദവും.

​സെെലന്റ് ലിസണിംഗ് (ശ്രദ്ധയോടെ കേൾക്കൽ):

​രോഗിയുടെ കണ്ണ് എത്തുന്ന ഉയരത്തിൽ ഇരുന്ന് സംസാരിക്കുക.

​രോഗി പറയുമ്പോൾ ഇടയിൽ കയറി സംസാരിക്കാതിരിക്കുക. "എല്ലാം ശരിയാകും" എന്ന തരത്തിലുള്ള വെറും വാഗ്ദാനങ്ങൾക്ക് പകരം, അവരുടെ വിഷമങ്ങൾ മനസ്സിലാകുന്നു എന്ന് തെളിയിക്കുന്ന രീതിയിൽ സംഭാഷണം നടത്തുക ("ഈ ആഴ്ച താങ്കൾക്ക് വളരെ ബുദ്ധിമുട്ടായിരുന്നു എന്ന് മനസ്സിലാകുന്നു").

​ആത്മാഭിമാനം നിലനിർത്തുക:

​രോഗിയെ ഒരു    രോഗിയായി മാത്രം കാണാതെ, വ്യക്തിയായി കണ്ട് സംസാരിക്കുക. കൂടെയുള്ളവരോട് മാത്രം സംസാരിക്കാതെ, രോഗിയോട് നേരിട്ട് സംസാരിക്കുക.

​ചെറിയ തീരുമാനങ്ങളിൽ രോഗിയുടെ അഭിപ്രായം ചോദിക്കുക (ഉദാഹരണത്തിന്: ഏത് വസ്ത്രം ധരിക്കണം, ജനൽ തുറക്കണോ, പാട്ട് കേൾക്കണോ തുടങ്ങിയ കാര്യങ്ങൾ).

​പരിചരിക്കുന്നവർക്ക് (Caregivers) ആശ്വാസം നൽകൽ:

​രോഗിയെ നിരന്തരം പരിചരിക്കുന്ന കുടുംബാംഗങ്ങൾ കടുത്ത മാനസിക-ശാരീരിക സമ്മർദ്ദത്തിലായിരിക്കും. രോഗിയുടെ കൂടെ 1–2 മണിക്കൂർ ചെലവഴിക്കാൻ വോളന്റിയർമാർ തയ്യാറായാൽ, കുടുംബാംഗങ്ങൾക്ക് വിശ്രമിക്കാനും സ്വന്തം കാര്യങ്ങൾ ചെയ്യാനും സമയം ലഭിക്കും.

​രഹസ്യാത്മകത:

​രോഗിയുടെയോ കുടുംബത്തിന്റെയോ വ്യക്തിപരമോ, സാമ്പത്തികമോ, വൈദ്യശാസ്ത്രപരമോ ആയ വിവരങ്ങൾ മറ്റുള്ളവരോട് (നാട്ടുകാരോടും അയൽക്കാരോടും) ചർച്ച ചെയ്യാതിരിക്കുക.

 ​നഴ്സിനെയോ ഡോക്ടറെയോ ഉടൻ അറിയിക്കേണ്ട ലക്ഷണങ്ങൾ:

​പെട്ടെന്നുണ്ടാകുന്ന കഠിനമായ വേദന, ശ്വാസംമുട്ടൽ, അല്ലെങ്കിൽ അസ്വസ്ഥത/മാനസിക വിഭ്രാന്തി.

​ചർമ്മത്തിൽ ചുവന്ന പാടുകൾ (കിടക്കപ്പുണ്ണിന്റെ ആദ്യ ലക്ഷണം), പനി, അല്ലെങ്കിൽ മൂത്ര തടസ്സം.

​ദയാവധം (Euthanasia) - ബോധവൽക്കരണം

​ചില സന്ദർഭങ്ങളിൽ രോഗികളോ ബന്ധുക്കളോ കടുത്ത വേദനയും നിരാശയും കാരണം "ജീവൻ അവസാനിപ്പിക്കാൻ" സാധിക്കുമോ എന്ന് വോളന്റിയർമാരോട് ചോദിച്ചേക്കാം. ഇവിടെ ശരിയായ ധാരണ വോളന്റിയർമാർക്ക് ഉണ്ടായിരിക്കണം:

​പാലിയേറ്റീവ് കെയറിന്റെ അടിസ്ഥാന തത്വം

​"മരണത്തെ വേഗത്തിലാക്കുകയോ വൈകിപ്പിക്കുകയോ ചെയ്യരുത്" (Neither hasten nor postpone death)

​പാലിയേറ്റീവ് കെയർ മരണത്തെ സ്വാഭാവികമായ ഒരു പ്രക്രിയയായി കാണുന്നു.

​രോഗിയുടെ ജീവിത ഗുണനിലവാരം (Quality of life) കൂട്ടുക മാത്രമാണ് ലക്ഷ്യം.

​ഒരു രോഗി മരണത്തെക്കുറിച്ച് സംസാരിക്കുന്നത്, സഹിക്കാനാവാത്ത വേദന, ഒറ്റപ്പെടൽ, മാനസിക വിഷാദം അല്ലെങ്കിൽ കുടുംബത്തിന് ഭാരമാകുമോ എന്ന ഭയം എന്നിവ കാരണമാണ്. ശരിയായ പരിചരണത്തിലൂടെയും വേദനസംഹാരികളിലൂടെയും ഈ അസ്വസ്ഥതകൾ മാറ്റിയാൽ, അവർ മരണത്തെക്കുറിച്ചുള്ള ചിന്തകളിൽ നിന്ന് പിന്മാറും.

 വോളന്റിയർമാർ ഇത്തരം സന്ദർഭങ്ങളിൽ എന്ത് ചെയ്യണം?

​തർക്കിക്കരുത് / ഉപദേശിക്കരുത്: രോഗിയോ ബന്ധുക്കളോ ദയാവധത്തെക്കുറിച്ച് സംസാരിച്ചാൽ അത് തെറ്റാണെന്ന് പറഞ്ഞ് തർക്കിക്കാനോ പ്രസംഗിക്കാനോ നിൽക്കരുത്.

​യഥാർത്ഥ കാരണം മനസ്സിലാക്കുക: വളരെ സഹതാപത്തോടെ ചോദിക്കുക: "നിങ്ങൾക്ക് ഇപ്പോൾ കഠിനമായ വേദനയുണ്ടോ?" അല്ലെങ്കിൽ "എന്താണ് നിങ്ങളെ കൂടുതൽ ഭയപ്പെടുത്തുന്നത്?"

​മെഡിക്കൽ ടീമിനെ അറിയിക്കുക: ഈ വിവരങ്ങൾ എത്രയും വേഗം IRPC യുടെ ഡോക്ടറെയോ പാലിയേറ്റീവ് നഴ്സിനെയോ കൗൺസിലറെയോ അറിയിക്കുക. അവർക്ക് വേദന സംഹാര മരുന്നുകളിൽ മാറ്റം വരുത്താനോ മാനസിക പിന്തുണ നൽകാനോ സാധിക്കും.

********************************************************************************

2/8/2026:Class TA to nurse: 500;ബാനർ -470 ; ചായ ,കടി ; 35 പേർക്ക് -1100,സൗണ്ട് -600 :Total expense:2670, സ്റ്റീൽ ഗ്ലാസുകൾ ചെയർമാൻ സ്പോൺസർ ചെയ്തു.

ലോക്കൽ തല വളണ്ടിയർ പരിശീലനത്തിൽ HALL വിട്ടുതന്ന പാൽ സൊസൈറ്റിക്ക്( രാധാകൃഷ്ണൻ കുറ്റിപ്പുഴ ,മനു കല്ലൊടി ) നന്ദി 

Volunteer പരിശീലനം : Kottayad irpc ലോക്കലിന് ആകെ ചെലവ് : 2670 രൂപ ; വരവ്: Nil.

27/7/26: ഹോം care ചെലവ്: 

food - 270 ; petrol - 500; total 770, Bp / Bg  ഉപകരണങ്ങൾ, 10 strips sponsored by convenor, 1 cotton pack sponsored by Chairman. Toal ചെലവ്: 770 രൂപ.

രണ്ട് പരിപാടികൾക്കായി  ചെലവ്:3440 രൂപ.

******************************************************************

പരിശീലന പരിപാടിയിൽ മികച്ച വളണ്ടിയർ പങ്കാളിത്തം നൽകിയ ബ്രാഞ്ച് Nariyanpara B ( സെക്രട്ടറി: ബാബു കീച്ചിറ) : അഭിനന്ദനങ്ങൾ.

********************************************************************

ഹോം care പരിപാടിയിൽ മികച്ച വളണ്ടിയർ പങ്കാളിത്തം നൽകിയ ബ്രാഞ്ച് Nariyanpara A ( സെക്രട്ടറി: വിപിൻ ഭാസ്കർ ):അഭിനന്ദനങ്ങൾ

NEXT PROGRAMME : 1.തയ്യിൽ സാന്ത്വന കേന്ദ്ര സന്ദർശനം : 18/8/2026 ചൊവ്വ ( 5 വളണ്ടിയർമാർ ) ( for Previous year activity reports click here )

2. കൃഷ്ണപി ള്ള ദിനം ഓഗസ്റ്റ്  19  :IRPC പാലിയേറ്റീവ് കെയർ ദിന  ഗൃഹ സന്ദർശനവും ഉപഹാര കൈമാറ്റവും .( for Previous reports click here )

( WHY AUG 19 ?  1943-45 കാലഘട്ടത്തിൽ വസൂരി, കോളറ തുടങ്ങിയ പകർച്ചവ്യാധികൾ ബാധിച്ച രോഗികളെ പരിചരിക്കാൻ പാർട്ടി അംഗങ്ങളെ ആഹ്വാനം ചെയ്ത പി. കൃഷ്ണപിള്ളയുടെ മാതൃകയിൽ നിന്നാണ് ഈ സംരംഭം പ്രചോദനം ഉൾക്കൊള്ളുന്നത്)

*****************************************************************************

IRPC സ്ഥാപനം  -ചരിത്രം : 

കേരളത്തിൽ ഏകദേശം 0.3 മുതൽ 0.4 ശതമാനം വരെ ക്യാൻസർ രോഗികൾക്ക് പാലിയേറ്റീവ് പരിചരണം (സാന്ത്വന പരിചരണം) ആവശ്യമാണെന്ന് കണക്കാക്കപ്പെടുന്നു.

 ( 2012 REPORT, 2024-കണ്ണൂർ ജില്ലയിൽ  > 10000 കിടപ്പു രോഗികൾ; കൊട്ടയാട്‌ ലോക്കൽ -31 )  ; 

അതായത്, സംസ്ഥാനത്തെ ഓരോ പഞ്ചായത്തിലും ശരാശരി 200 പേർ വീതം, ആകെ 1.25 ലക്ഷത്തോളം രോഗികൾക്ക് ഇത്തരം പരിചരണം ആവശ്യമായി വരുന്നു.( 2012 report )

ആരോഗ്യപരിപാലന സംവിധാനങ്ങളുടെ സേവനം ലഭിക്കാത്തവർക്ക് ആശ്വാസവും പിന്തുണയും നൽകുന്നതിനായി ഇടപെടാൻ ലക്ഷ്യമിട്ട്, 2008-ലും 2012-ലും യഥാക്രമം കോട്ടയത്തും തിരുവനന്തപുരത്തും നടന്ന സി.പി.ഐ(എം) കേരള ഘടകത്തിന്റെ സമ്മേളനങ്ങളിൽ, സംസ്ഥാനത്ത് പാലിയേറ്റീവ് പരിചരണം ലഭ്യമാക്കാൻ പാർട്ടി ഇടപെടണമെന്ന് ആവശ്യപ്പെടുന്ന പ്രമേയങ്ങൾ പാസാക്കിയിരുന്നു.

ഈ പ്രമേയങ്ങളുടെ തുടർച്ചയായി, കണ്ണൂർ ജില്ലയിൽ പാർട്ടിയുടെ നേതൃത്വത്തിൽ 'ഇനിഷ്യേറ്റീവ് ഫോർ റീഹാബിലിറ്റേഷൻ ആൻഡ് പാലിയേറ്റീവ് കെയർ' (IRPC) എന്ന സംവിധാനം രൂപീകരിച്ചു. സി.പി.ഐ(എം) കേന്ദ്ര കമ്മിറ്റി അംഗവും മുൻ സംസ്ഥാന ആരോഗ്യ മന്ത്രിയുമായ പി.കെ. ശ്രീമതി 2012-ൽ ഇതിന്റെ ഔദ്യോഗിക ഉദ്ഘാടനം നിർവഹിച്ചു.

കണ്ണൂർ IRPC തയ്യിൽ സേവന കേന്ദ്രം സന്ദർശിച്ചു

 

2025  മെയ്  18   : കൊട്ടയാട്‌  ലോക്കലിലെ  IRPC  വളണ്ടിയർമാർ കണ്ണൂർ  IRPC തയ്യിൽ സേവ ന  കേന്ദ്രം സന്ദർശിച്ചു ., യെശോദ കൃഷ്ണൻ , ബെന്നി കൂളാമ്പി , ഗണേശൻ കോട്ടക്കടവ് , സിന്ധു കോട്ടക്കടവ് , രാധാകൃഷ്ണൻ സി കെ ,അജിത രവി , സിജി റോയ്എ ന്നിവർ   വളണ്ടിയർ  സേവനത്തിൽ പങ്കെടുത്തു . കൊട്ടയാട്‌  ലോക്കലിലെ ജനങ്ങൾ തന്നയച്ച പച്ചക്കറി വിഭവങ്ങൾ  കൈമാറുകയും ചെയ്തു .

തയ്യിൽ സാന്ത്വന കേന്ദ്രത്തിലേക്ക് ഉൽപന്നങ്ങൾ വാങ്ങുന്നതിന് ധനസഹായം ചെയ്ത

സൂരജ് മെഡിക്കൽ സ്, ബിജോഷ് കരുവഞ്ചാൽ, എം ജെ മാത്യു മാസ്റ്റർ കാവിൻ കുടി, അശ്വതി രാജു മേക്കുഴയിൽ ആനപ്പാറ, അഗസ്റ്റിൻ മണ്ഡപത്തിൽ ആനപ്പാറ, മനോജ് ഒറ്റമുണ്ട, ഏഎസ് രാധാകൃഷ്ണൻ ഒറ്റമുണ്ട,പ്രദീപ് എ ആർആലക്കോട്, ബേബിച്ചൻ നെല്ലിപ്പാറ എന്നിവർക്ക് IRPC  കൊട്ടയാട് യൂനിറ്റിൻ്റെ നന്ദി അറിയിക്കുന്നു. -ചെയർമാൻ, കോഡിനേറ്റർ.

**************************************************************************

INFO POINT

കുടുംബാരോഗ്യ കേന്ദ്രത്തില്‍ ആഴ്ചയില്‍ രണ്ട് ദിവസം പ്രത്യേക കാന്‍സര്‍ സ്‌ക്രീനിംഗ് ക്ലിനിക് പ്രവർത്തിക്കും - ആരോഗ്യ മന്ത്രി

മട്ടന്നൂർ വാർത്ത✒️ 

   ♦️13.05.2025♦️

✯ ━━━━━ ✯ ━━━━━ ✯

തിരുവനന്തപുരം: കുടുംബാരോഗ്യ കേന്ദ്രത്തില്‍ ആഴ്ചയില്‍ രണ്ട് ദിവസം പ്രത്യേക കാന്‍സര്‍ സ്‌ക്രീനിംഗ് ക്ലിനിക് പ്രവര്‍ത്തിക്കുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ്. കാന്‍സര്‍ പ്രതിരോധത്തിനും ബോധവല്‍കരണത്തിനും ചികിത്സയ്ക്കുമായി ആരോഗ്യ വകുപ്പ് നടപ്പിലാക്കി വരുന്ന ‘ആരോഗ്യം ആനന്ദം-അകറ്റാം അര്‍ബുദം’ ജനകീയ കാന്‍സര്‍ ക്യാമ്പയിന്‍ ശക്തിപ്പെടുത്തുന്നതിന്റെ ഭാഗമായാണിത്. പുരുഷന്‍മാര്‍ക്കും സ്‌ക്രീനിംഗ് സംവിധാനം ഉണ്ടായിരിക്കുന്നതാണ്.

എല്ലാവരും സ്‌ക്രീനിംഗില്‍ പങ്കെടുത്ത് കാന്‍സര്‍ ഇല്ലായെന്ന് ഉറപ്പാക്കണം. അഥവാ രോഗസാധ്യത കണ്ടെത്തിയാല്‍ ആരംഭത്തില്‍ തന്നെ ചികിത്സിച്ച് ഭേദമാക്കാവുന്നതാണ്. കാന്‍സര്‍ രോഗത്തെ കുറിച്ചുള്ള ഭയവും ആശങ്കയും അകറ്റാനും കാന്‍സര്‍ സാധ്യത സ്വയം കണ്ടെത്താനും ലക്ഷ്യമിട്ട് ശക്തമായ ബോധവല്‍കരണ പ്രവര്‍ത്തനങ്ങള്‍ നടത്താനും മന്ത്രി നിര്‍ദേശം നല്‍കി. മന്ത്രിയുടെ നേതൃത്വത്തില്‍ നടന്ന അവലോകന യോഗത്തിലാണ് നിര്‍ദേശം നല്‍കിയത്. ലോക കാന്‍സര്‍ ദിനമായ ഫെബ്രുവരി 4 ന് ആരംഭിച്ച ഈ ക്യാമ്പയിനിലൂടെ 15.5 ലക്ഷത്തോളം പേര്‍ക്ക് സ്‌ക്രീനിംഗ് നടത്തി. ഇവരില്‍ ആവശ്യമായവര്‍ക്ക് തുടര്‍ പരിശോധനയും ചികിത്സയും ഉറപ്പാക്കാന്‍ നിര്‍ദേശം നല്‍കി. ഈ ക്യാമ്പയിനിലൂടെ നിലവില്‍ 242 പേര്‍ക്ക് കാന്‍സര്‍ സ്ഥിരീകരിച്ചിട്ടുണ്ട്. ഇവരില്‍ ഭൂരിപക്ഷം പേരിലും പ്രാരംഭ ഘട്ടത്തില്‍ തന്നെ കാന്‍സര്‍ കണ്ടുപിടിക്കാനായതിനാല്‍ ചികിത്സിച്ച് വേഗം ഭേദമാക്കാന്‍ സാധിക്കും.

പല കാന്‍സറുകളും വളരെ നേരത്തെ കണ്ടെത്തി ചികിത്സിച്ചാല്‍ ഭേദമാക്കാന്‍ സാധിക്കും. സ്ത്രീകളെ പ്രധാനമായി ബാധിക്കുന്ന സ്തനാര്‍ബുദം, ഗര്‍ഭാശയഗള കാന്‍സര്‍ എന്നിവയോടൊപ്പം മറ്റ് കാന്‍സറുകളും സ്‌ക്രീനിംഗ് നടത്തുന്നുണ്ട്. പുരുഷന്‍മാരില്‍ വായ്, മലാശയം, ശ്വാസകോശം, പ്രോസ്റ്റേറ്റ്, കരള്‍ എന്നിവയെ ബാധിക്കുന്ന കാന്‍സറുകളാണ് കൂടുതലായി കാണുന്നത്. പുകവലി, മദ്യപാനം, അനാരോഗ്യകരമായ ഭക്ഷണശീലങ്ങള്‍, വ്യായാമമില്ലായ്മ തുടങ്ങിയ ജീവിതശൈലീ മാറ്റങ്ങള്‍ പുരുഷന്മാരിലെ കാന്‍സര്‍ സാധ്യത വര്‍ധിപ്പിക്കുന്നു.

പുകയില ഉത്പന്നങ്ങളുടെ ഉപയോഗം വായ, ശ്വാസകോശം, അന്നനാളം, ആമാശയം തുടങ്ങിയ ഭാഗങ്ങളിലെ കാന്‍സറിന് പ്രധാന കാരണമാണ്. അതുപോലെ മദ്യപാനം കരള്‍, അന്നനാളം, വായ എന്നിവിടങ്ങളിലെ കാന്‍സറിന് സാധ്യത കൂട്ടുന്നു. ദിവസവും കുറഞ്ഞത് 30 മിനിറ്റെങ്കിലും വ്യായാമം ചെയ്യുക, ശരീരഭാരം നിയന്ത്രിക്കുക എന്നിവയും പ്രധാനമാണ്. ശരീരത്തില്‍ ഉണ്ടാകുന്ന അസാധാരണമായ മാറ്റങ്ങള്‍ അവഗണിക്കരുത്. അമിതമായി ഭാരം കുറയുക, വിട്ടുമാറാത്ത ചുമ അല്ലെങ്കില്‍ ശബ്ദത്തിലെ മാറ്റം, മലബന്ധം, മൂത്രതടസം, ശരീരത്തിലെ മുഴകള്‍ തുടങ്ങിയ ലക്ഷണങ്ങള്‍ കണ്ടാല്‍ ഉടന്‍തന്നെ ഡോക്ടറെ സമീപിക്കേണ്ടത് അത്യാവശ്യമാണ്.

ചില കാന്‍സറുകള്‍ പ്രാരംഭ ഘട്ടത്തില്‍ ലക്ഷണങ്ങള്‍ കാണിക്കണമെന്നില്ല. അതിനാല്‍, കൃത്യമായ ഇടവേളകളില്‍ ആരോഗ്യ പരിശോധനകള്‍ നടത്തുന്നത് രോഗം നേരത്തെ കണ്ടെത്താനും ചികിത്സിക്കാനും സഹായിക്കും. അതിനാല്‍ എല്ലാവരും സ്‌ക്രീനിംഗ് സൗകര്യമുള്ള തൊട്ടടുത്ത ആരോഗ്യ കേന്ദ്രങ്ങളിലെത്തി സ്‌ക്രീനിംഗില്‍ പങ്കെടുക്കേണ്ടതാണ്. സര്‍ക്കാര്‍ ആശുപത്രികള്‍ക്ക് പുറമേ സ്വകാര്യ ആശുപത്രി, സ്വകാര്യ ലാബുകള്‍ എന്നിവരും സഹകരിക്കുന്നുണ്ട്. പരിശോധനയില്‍ കാന്‍സര്‍ സ്ഥിരീകരിക്കുന്നവര്‍ക്ക് ചികിത്സയും തുടര്‍പരിചരണവും ലഭ്യമാക്കുന്നതാണ്. ബിപിഎല്‍ വിഭാഗക്കാര്‍ക്ക് പൂര്‍ണമായും സൗജന്യമായിട്ടാണ് പരിശോധന. എപിഎല്‍ വിഭാഗക്കാര്‍ക്ക് മിതമായ നിരക്കിലും പരിശോധനാ സൗകര്യം ഒരുക്കിയിട്ടുണ്ട്.

IRPC കൊട്ടയാട് ലോക്കൽ തല ഗൃഹസന്ദർശനം1/5/2025

 

 1/5/2025 വ്യാഴം :  IRPC കൊട്ടയാട്  ലോക്കൽ തല ഗൃഹസന്ദർശനം രാവിലെ 9.30  മണിക്ക് തുടങ്ങി വൈകുന്നേരം 4  മണിക്ക് അവസാനിച്ചു. നരിയമ്പാറA, B, ടൗൺ, കോട്ടക്കടവ്, കൂളാമ്പി, EMS, ഒറ്റമുണ്ട ,കല്ലൊടി, നെല്ലിക്കുന്ന് , പ്രദേശങ്ങളിലെ 19  ഓളം വീടുകളിലെ 22   വ്യക്തികളെ കണ്ടു സാന്ത്വന സംഭാഷണം  നടത്തി .

 21  വ്യക്തികളുടെ  ബി.പി / ബി .ജി   ഇവ സൗജന്യമായി പരിശോധിച്ചു കൊടുത്തു .

   ,സൗമ്യ മനോജ് മീമ്പറ്റി ,ശ്രുതി കൂളാമ്പി  ,രാധാകൃഷ്ണൻ സി കെ തുടങ്ങിയവർ ലോക്കൽ തലത്തിലും വിപിൻ നരിയൻപാറ, ബാബു കെ എ  ,അജിത രവി ,മനോജ് ഒറ്റമുണ്ട , ചന്ദ്രശേഖരൻ  കല്ലൊടി , പ്രസാദ് നെല്ലിക്കുന്ന്,ബേബി നെല്ലിക്കുന്ന്  എന്നിവർ അതതു ബ്രാഞ്ച് തലത്തിലും സന്ദർശന ടീമിന്റെ ഭാഗമായി .ചെയർമാൻ വിക്രമൻ ടി ജി പ്രവർത്തന ങ്ങൾക്ക് നേതൃത്വം വഹിച്ചു . ലോക്കൽ തലത്തിൽ ഞങ്ങളെ അനുഗമിച്ച  കല്ലൊടി   ചന്ദ്രശേഖരനു അഭിവാദ്യങ്ങൾ .

വീട്ടു ജോലികൾക്കിടയിലെ തിരക്കുകൾക്കിടയിലും  രാവിലെ 8 .30 മുതൽ വൈകുന്നേരം 4 .30 വരെ ഈ പ്രവർത്തനത്തിൽസജീവമായി നേതൃത്വം വഹിച്ച സൗമ്യ മീൻപറ്റി (Palliative care nurse ,CHC MAYYIL)

ശ്രുതി കൂളാമ്പി( IRPC Volunteer,Kottayad)

 എന്നിവരെ പ്രത്യേകം അഭിനന്ദിക്കുന്നു 

-ചെയർമാൻ ,കൺവീനർ  ;IRPC കൊട്ടയാട് ലോക്കൽ

മഴ... മഴ.... കുട.... കുട .........

കുട വാങ്ങുന്നതിന് മുൻപ് ഒരു നിമിഷം !!!

ഈ സീസണിൽ കുടകൾ വാങ്ങിക്കാൻ ഉദ്ദേശിക്കുന്നവർ IRPC യുമായി  സഹകരിച്ചു ഭിന്നശേഷിയുള്ള സുഹൃത്തു ക്കൾ  നിർമ്മിച്ച  കുട വാങ്ങണമെന്നു അഭ്യർത്ഥിക്കുന്നു .

(    with replacement guarantee

 3 fold ladies,colour / black ,Rs .450  

Contact no .9656241914,9447739033 )

***************************************************************

IRPC ലോക്കൽ തല ഗൃഹസന്ദർശനം ,23 മാർച്ച് 2025 , കൊട്ടയാട്‌

23 മാർച്ച്  2025 , കൊട്ടയാട്‌ :

 ഇന്നത്തെ IRPC ലോക്കൽ തല ഗൃഹസന്ദർശനം രാവിലെ 9 മണിക്ക് തുടങ്ങി വൈകുന്നേരം 4  മണിക്ക് അവസാനിച്ചു. നരിയമ്പാറA, B, ടൗൺ, കോട്ടക്കടവ്, കൂളാമ്പി, EMS, ഒറ്റമുണ്ട ,കല്ലൊടി, നെല്ലിക്കുന്ന് , പ്രദേശങ്ങളിലെ 20  ഓളം വീടുകളിലെ 25 ലധികം വ്യക്തികളെ കണ്ടു സംസാരിച്ചു.

 20 വ്യക്തികളുടെ  ബി.പി / ബി .ജി   ഇവ സൗജന്യമായി പരിശോധിച്ചു കൊടുത്തു .പ്രായമായ ഒരു വ്യക്തിയുടെ നഖം മുറിച്ചു കൊടുത്തു .ഒരു വീൽ ചെയർ ഒഴിഞ്ഞത്(ടൌൺ ) ശ്രദ്ധയിൽ പെട്ടു .

  ഗണേശൻ പി ,സൗമ്യ മനോജ് മീമ്പറ്റി ,സിന്ധു കോട്ടക്കടവ് ,രാധാകൃഷ്ണൻ സി കെ തുടങ്ങിയവർ ലോക്കൽ തലത്തിലും യെശോദ പി കെ   നരിയൻപാറ, സീതാ രവി  നരിയൻപാറ,  ജോൺ വളവിൽ ,അജിത രവി ,മനോജ് ഒറ്റമുണ്ട , മനു കല്ലൊടി , പ്രസാദ് നെല്ലിക്കുന്ന് എന്നിവർ അതതു ബ്രാഞ്ച് തലത്തിലും സന്ദർശന ടീമിന്റെ ഭാഗമായി .

പ്രവർത്തന ഡയറി :മാർച്ച് മാസം 

മാർച്ച് 3 - സംഭാവന പെട്ടികൾ തുറന്നു .

മാർച്ച് 10 - 2 മടക്കു കട്ടിലുകൾ വാങ്ങി ,നെല്ലിക്കുന്നിലേയും നരിയൻപാറയിലെയും വ്യക്ത്തികൾക്ക് കൈമാറി .

മാർച്ച് 14 : കോട്ടക്കടവ് BP /BG  സൗജന്യ പരിശോധനാ ക്യാമ്പ് നടന്നു .

സോണൽ മീറ്റിങ്ങിൽ (ഓൺലൈൻ )പങ്കെടുത്തു 

മാർച്ച് 23 -IRPC ലോക്കൽ തല ഗൃഹസന്ദർശനം 

മാർച്ച് 25 -ഒരു വാക്കർ നെല്ലിക്കുന്നിലേക്കു കൈമാറി (c/o Dineshan ,Alakod) 

MARCH 26 - 5500 രൂപാ സംഭാവന പെട്ടികളിൽ നിന്നുള്ള മേൽകമ്മിറ്റി  വിഹിതം ബാങ്കിൽ നിന്നും പിൻവലിച്ചു .