പ്രതിമാസജീവിത ശൈലി രോഗ നിർണയപരിശീലനം കുടുംബ സംഘങ്ങളിലേക്കു

 

പ്രതിമാസജീവിത ശൈലി രോഗ നിർണയപരിശീലനം  കുടുംബ സംഘങ്ങളിലേക്കു (പൊതു സമൂഹത്തിലേക്ക് )വ്യാപിക്കുന്നു 

ആലക്കോട്   നരിയൻപാറ വാർഡിൽ പ്രവർത്തിക്കുന്ന  മാതൃകാ സ്വയം സഹായ സംഘത്തിന്റെ ഈ വർഷത്തെ പ്രധാന പ്രോജക്ടുകളിൽ ഒന്നായ പ്രതിമാസജീവിത ശൈലി രോഗ നിർണയക്യാമ്പുകളുടെ ഭാഗമായി     Blood Glucose Level (രക്തത്തിലെ പഞ്ചസാരയുടെ അളവ് ) പരിശോധന നടന്നു. ഏതു സമയത്തും നടത്തുന്ന പരിശോധനക്ക് 140 അല്ലെങ്കിൽ അതിനു താഴെ എന്ന റീഡിംഗ് സുരക്ഷിതം (Normal) ആയി പരിഗണിക്കും. 18 പേർ പരിശോധനയിൽ പങ്കെടുത്തു. അതിൽ 2 പേരുടെ BGL 140 ൽ കൂടുതലായി കണ്ടെത്തി. അതിൽ ഒരാൾ ഇതിനകം മരുന്ന് കഴിക്കുന്നവരാണ്. ഭക്ഷണക്രമത്തിൽ കൂടുതൽ ശ്രദ്ധിക്കാനുള്ള നിർദ്ദേശങ്ങൾ നൽകി. തോമസ്, സോമി എന്നീ അംഗങ്ങൾ ഇന്നത്തെ പ്രവർത്തനങ്ങൾക്ക് നേതൃത്വം നൽകി. ഇതിനു വേണ്ട ഉപകരണങ്ങളും ലാൻ സെറ്റ് , ടെസ്റ്റ് സ്ട്രിപ്പുകൾ എന്നിവയും രാധാകൃഷ്ണൻ മാസ്റ്റർ (IRPC വളണ്ടിയർ )എത്തിച്ചു. ആവശ്യ പ്പെട്ടവർക്കു സൗജന്യ BP പരിശോധനയും നടന്നു.അംഗങ്ങൾ എല്ലാവർക്കും ഉള്ള  BP പ്രതിമാസ പരിശോധന കഴിഞ്ഞ ഞായറാഴ്ച യോഗത്തിൽ നടത്തപ്പെട്ടു .ആലക്കോട് ഗ്രാമപഞ്ചായത്തിൽ തന്നെ ആദ്യമായാണ് ഒരു കുടുംബ സഹായ സംഘം പ്രതിമാസജീവിത ശൈലി രോഗ നിർണയവും പരിശീലനവും ഏറ്റെടുക്കുന്നത്.ഇതിനു വേണ്ട പ്രാഥമിക പരിശീല നം P H C നേഴ്സ് ആയി പ്രവർത്തിച്ചിരുന്ന ഫാത്തിമ സത്യൻ  ഏപ്രിൽമാസം നടന്ന ക്യാമ്പിൽ മാതൃകാ സ്വയം സഹായ സംഘത്തിന്റെ  അംഗങ്ങൾക്കു നൽകിയിരുന്നു .മലയാളികളിൽ ജീവിത ശൈ ലീ രോഗങ്ങൾ വർധിച്ച തോതിൽ വ്യാപിക്കുന്ന സാഹചര്യത്തിൽ അതിപ്രധാനമായ ഒരു ചുവടുവെപ്പായി ഈ പ്രവർത്തനം തിരിച്ചറിയപ്പെടേണ്ടതാണ് .പരിശോധനയിൽ പങ്കെടുക്കുന്ന ഓരോരുത്തരും താന്താങ്ങളുടെ ഭക്ഷണ ക്രമത്തിലും വ്യായാമ രീതികളിലും മാറ്റം വരുത്തി തുടങ്ങുന്നു എന്നത് ശ്രദ്ധയർഹിക്കുന്ന വസ്തുതയാണ് . ക്ളീൻ കൊട്ടയാട്  കവല ,ഒരു വീട്ടിൽ ഒരു ഔഷധതോട്ടം , ഊർജ ഓഡിറ്റിങ് , കിണർ റീചാർജിങ് എല്ലാ വീട്ടിലും  , അവയവദാന ബോധവൽകരണം , കൃഷിക്കൂട്ടം  മാതൃകാ സ്വയം സഹായ സംഘത്തിന്റെ ഈ വർഷത്തെ പ്രധാന പ്രോജക്ടുകളിൽചിലതാണ് .സംഘത്തിന്റെ ഭാരവാഹികളായി  ജോർജ് ജോസഫ് (പ്രസിഡണ്ട്)  , സുരേഷ് പി എൻ (സെക്രട്ടറി) എന്നിവർ പ്രവർത്തിക്കുന്നു .

മാതൃകാ സ്വയം സഹായ സംഘത്തിന്റെ മുന്കാലപ്രവർത്തനങ്ങൾ 

APRIL MAY DIARY 2022

 

ജീവിത ശൈലി രോഗ ക്യാമ്പ് ഏറെ പ്രസക്തമായി തുടരുന്നു 

ജീവിത ശൈലി രോഗ ക്യാമ്പ് കോട്ടക്കടവിൽ തുടങ്ങിയിട്ട് 8 മാസം പിന്നിട്ടിരിക്കുന്നു. ഒരു ഹോസ്പിറ്റലിൽ മാസം ചെക്കപ്പ് ചെയ്യാൻ എത്തുന്നത് പോലെ card ഉം എടുത്ത് മാസം കറക്ട് ചെക്കപ്പിന് എത്തുന്ന ജനങ്ങൾ . ഇതിലൂടെ നമ്മുടെ നാടിന്റെ ആരോഗ്യ സ്ഥിതിയാണ് മെച്ചപ്പെടുന്നത്. കഴിഞ്ഞ ക്യാമ്പിൽ പ്രായമായ ഒരു അമ്മയുടെ ഷുഗർ ടെസ്റ്റ് ചെയ്തപ്പോഴാണ്. 465 ഉണ്ട് .അത്രയും ഷുഗർ ഉണ്ട്എന്ന് ആ അമ്മ തന്നെ അപ്പോഴാണ് അറിയുന്നത്. തുടർന്ന് Doctor കണ്ട് മരുന്ന് എടുത്തു. നമ്മുടെ ക്യാമ്പ് ഉള്ളത് കൊണ്ട് അവർ അറിഞ്ഞ് മരുന്നെടുത്തു. ഇല്ലങ്കിൽ കുഴപ്പങ്ങൾ ഒന്നും ഇല്ലാത്ത അവർ ഒരിക്കലും ഹോസ്പിറ്റലിൽ പോകില്ല. കാഴ്ചയൊക്കെ നഷ്ടപ്പെട്ട് അവയവങ്ങളെയൊക്കെ കർന്ന് തിന്ന് കഴിഞ്ഞേ അവർ അറിയുമായിരുന്നുള്ളൂ. നമ്മുടെ ക്യാമ്പ് അവരെ പോലെയുള്ള നിരവധി ആൾക്കാർക്ക് ഉപകാരപ്രദ മാകുന്നുണ്ട്. ഒരു പാട് ജനങ്ങൾക്ക് ജീവിത രീതി മെച്ചപ്പെടുത്തി കൊടുക്കാനും സാധിക്കുന്നുണ്ട്. ഇതിന് തുടക്കമാകാനുള്ള എല്ലാ സാഹചര്യങ്ങളും ഒരുക്കി തന്നത്  ടീം അംഗങ്ങൾ വിക്രമേട്ടൻ, രാധാകൃഷ്ണൻ മാഷ് , ഗണേശേട്ടൻ , മുബീന, സിന്ധു, സരിത, മനോജ്, ബൈജു , ദിപിൻ മറ്റ് എല്ലാ ടീം മെമ്പേഴ്സിനും ബിഗ് സല്യൂട്ട്. ഇതിനോടകം കിടപ്പിലായി പോയേക്കാവുന്ന എത്രയോ പേരേ നമുക്ക് സാധാരണ ജീവിതം നൽകാനായി അതാണ് നമുക്ക് ഉള്ള ഏറ്റവും നല്ല പ്രതിഫലവും.കൂടെ ഒരു കണ്ണ് പരിശോധന ക്യാമ്പ് കുടി നമ്മൾ നടത്തി 8 പേർക്ക് ഓപ്പർഷൻ സൗജന്യ മായി നടത്തി കൊടുക്കാൻ കുടി നമ്മുക്ക് പറ്റി-SOUMYA MANOJ KOTTAKADAV,GANESAN P

സാന്ത്വന വാർത്തകൾ 

ഈസ്റ്റർ വിഷു ദിനങ്ങളോടനുബന്ധിച്ച് ഗൃഹസന്ദർശനം

ഈസ്റ്റർ വിഷു ദിനങ്ങളോടനുബന്ധിച്ച് കൊട്ടയാട് ലോക്കൽ യൂനിറ്റ് കോട്ടക്കടവ് മേഖലയിൽ  സാന്ത്വന ഗൃഹസന്ദർശനം നടത്തി. സ്പോൺസർഷിപ്പിലൂടെ സംഘടിപ്പിച്ച 3 പച്ചക്കറിക്കിറ്റുകൾ, മുണ്ടും ബ്ലൗസും, കൈലി എന്നിവ വിതരണം ചെയ്തു. സാന്ത്വനപ്രവർത്തനം തനതായ രീതിയിൽ നിർവഹിച്ച കോട്ടക്കടവ് ബ്രാഞ്ചിനു പ്രത്യേക അഭിനന്ദനങ്ങൾ.

ഭാർഗവി, പുഷ്കരൻ. അനിൽ.,വിജയൻ എന്നിവരുടെ വീടുകളാണ് സന്ദർശിക്കപ്പെട്ടത്.

ജോഷി കരുവഞ്ചാൽ, പി.ഗണേശൻ, സി.കെ രാധാകൃഷ്ണൻ എന്നിവർ  പ്രവർത്തനത്തിൽ പങ്കെടുത്തു.

15 05 2022 :അസുഖബാധിതനായി പാലിയേറ്റീവ് ഘട്ടത്തിലെത്തി ചെമ്പേരി സാന്ത്വനം കേന്ദ്രത്തിൽ  കഴിയുന്ന പാർട്ടി സഖാവിന്റെ ( സാബു, തേർത്തല്ലി) വന്ദ്യ മാതാവിനെ കോട്ടക്കടവിലെ വസതിയിൽ സന്ദർശിച്ചു .

കൂടാതെ കോട്ടക്കടവിൽ തന്നെ കാൽവയ്യാതെയുള്ള ഗോവിന്ദേട്ടന് IRPC കൊട്ടയാട് യൂനിറ്റ് സ്പോൺസർ ചെയ്ത ഒരു വാക്കർ കൈമാറി. അദ്ദേഹത്തിന്റെ BP പരിശോധിച്ചു കൊടുത്തു. വിക്രമൻ ടി ജീ, ഗണേശൻ പി, സിന്ധു മനോജ്, സി.കെ.രാധാകൃഷ്ണൻ തുടങ്ങിയവർ ഇന്നു നടന്ന ഈ പ്രവർത്തനങ്ങളിൽ പങ്കെടുത്തു.

-കൂടാതെ ഇന്ന് സാബു തേർത്തല്ലി എന്ന വ്യക്തിക്ക് ഉപയോഗത്തിന് നൽകിയ വീൽ ചെയർ തിരിച്ചെടുത്ത്  കരുവഞ്ചാൽ ഓഫിസിൽ സൂക്ഷിച്ചു.-

15 / 05 / 2022 : ജീവിത ശൈലി രോഗ പരിശോധനാ ക്യാമ്പ് , കോട്ടക്കടവ്.

ഇത്തരം കട്ടിൽ ആവശ്യമുള്ള അർഹരായ കുടുംബങ്ങൾ ഉണ്ടെങ്കിൽ അറിയിക്കുക.

www.seniority.in