IRPC ലോക്കൽ തല ഗൃഹസന്ദർശനം ,23 മാർച്ച് 2025 , കൊട്ടയാട്‌

23 മാർച്ച്  2025 , കൊട്ടയാട്‌ :

 ഇന്നത്തെ IRPC ലോക്കൽ തല ഗൃഹസന്ദർശനം രാവിലെ 9 മണിക്ക് തുടങ്ങി വൈകുന്നേരം 4  മണിക്ക് അവസാനിച്ചു. നരിയമ്പാറA, B, ടൗൺ, കോട്ടക്കടവ്, കൂളാമ്പി, EMS, ഒറ്റമുണ്ട ,കല്ലൊടി, നെല്ലിക്കുന്ന് , പ്രദേശങ്ങളിലെ 20  ഓളം വീടുകളിലെ 25 ലധികം വ്യക്തികളെ കണ്ടു സംസാരിച്ചു.

 20 വ്യക്തികളുടെ  ബി.പി / ബി .ജി   ഇവ സൗജന്യമായി പരിശോധിച്ചു കൊടുത്തു .പ്രായമായ ഒരു വ്യക്തിയുടെ നഖം മുറിച്ചു കൊടുത്തു .ഒരു വീൽ ചെയർ ഒഴിഞ്ഞത്(ടൌൺ ) ശ്രദ്ധയിൽ പെട്ടു .

  ഗണേശൻ പി ,സൗമ്യ മനോജ് മീമ്പറ്റി ,സിന്ധു കോട്ടക്കടവ് ,രാധാകൃഷ്ണൻ സി കെ തുടങ്ങിയവർ ലോക്കൽ തലത്തിലും യെശോദ പി കെ   നരിയൻപാറ, സീതാ രവി  നരിയൻപാറ,  ജോൺ വളവിൽ ,അജിത രവി ,മനോജ് ഒറ്റമുണ്ട , മനു കല്ലൊടി , പ്രസാദ് നെല്ലിക്കുന്ന് എന്നിവർ അതതു ബ്രാഞ്ച് തലത്തിലും സന്ദർശന ടീമിന്റെ ഭാഗമായി .

പ്രവർത്തന ഡയറി :മാർച്ച് മാസം 

മാർച്ച് 3 - സംഭാവന പെട്ടികൾ തുറന്നു .

മാർച്ച് 10 - 2 മടക്കു കട്ടിലുകൾ വാങ്ങി ,നെല്ലിക്കുന്നിലേയും നരിയൻപാറയിലെയും വ്യക്ത്തികൾക്ക് കൈമാറി .

മാർച്ച് 14 : കോട്ടക്കടവ് BP /BG  സൗജന്യ പരിശോധനാ ക്യാമ്പ് നടന്നു .

സോണൽ മീറ്റിങ്ങിൽ (ഓൺലൈൻ )പങ്കെടുത്തു 

മാർച്ച് 23 -IRPC ലോക്കൽ തല ഗൃഹസന്ദർശനം 

മാർച്ച് 25 -ഒരു വാക്കർ നെല്ലിക്കുന്നിലേക്കു കൈമാറി (c/o Dineshan ,Alakod) 

MARCH 26 - 5500 രൂപാ സംഭാവന പെട്ടികളിൽ നിന്നുള്ള മേൽകമ്മിറ്റി  വിഹിതം ബാങ്കിൽ നിന്നും പിൻവലിച്ചു .

കൊട്ടയാട്‌ IRPC ലോക്കൽ തല ഗൃഹസന്ദർശനം ഫിബ്രവരി 2025

 കൂളാമ്പി ബ്രാഞ്ചംഗം സ. ബിജോഷിൻ്റെ ഭാര്യാമാതാവ്‌  അച്ചാമ്മ മാനുവലിന് IRPC യുടെ ആദരാഞ്ജലികൾ .

16 ഫിബ്രവരി 2025 , കൊട്ടയാട്‌ :

 ഇന്നത്തെ IRPC ലോക്കൽ തല ഗൃഹസന്ദർശനം രാവിലെ 9 മണിക്ക് തുടങ്ങി വൈകുന്നേരം 5 മണിക്ക് അവസാനിച്ചു. നരിയമ്പാറA, B, ടൗൺ, കോട്ടക്കടവ്, കൂളാമ്പി, EMS, ഒറ്റമുണ്ട ,കല്ലൊടി, നെല്ലിക്കുന്ന് ,കാവിൻകുടി പ്രദേശങ്ങളിലെ 30 ഓളം വീടുകളിലെ 35 ലധികം വ്യക്തികളെ കണ്ടു സംസാരിച്ചു.

35 ലധികം വ്യക്തികളുടെ BP, BG അളവുകൾ എടുത്തു. 

സന്ദർശന ടീമിൽ സൗമ്യ മോഹനൻ, രാധാകൃഷ്ണൻ സി.കെ , വിപിൻ ഭാസ്ക്കർ, മനോജ് ഒറ്റമുണ്ട,രാജൻ ഒറ്റമുണ്ട ,രവി പി കെ, ചന്ദ്രശേഖരൻ കല്ലൊടി, ബേബിച്ചൻ  നെല്ലിക്കുന്ന് തുടങ്ങിയവർ ഉണ്ടായിരുന്നു.ചെയർമാൻ വിക്രമൻ ടി.ജി, സിജു നെല്ലിക്കുന്ന്, ഗിരീഷ് കാലായിമുക്ക്, ഗണേശൻ കോട്ടക്കടവ്, സിന്ധു കോട്ടക്കടവ് എന്നിവർ മാനസിക പിന്തുണ തന്നു.

പ്രവർത്തനവുമായി സഹകരിച്ച എല്ലാ സഖാക്കൾക്കും സുഹൃത്തുക്കൾക്കും IRPC യുടെ നന്ദി രേഖപ്പെടുത്തുന്നു. 

ഒരു വീട്ടമ്മ എന്ന നിലയിൽ സ്വന്തം കുടുംബത്തോടുള്ള ബാധ്യതകളും സ്വന്തമായി ആരോഗ്യ പ്രശ്നങ്ങളും ഉണ്ടായിട്ടും മുഴുവൻ സമയവും ഇന്നത്തെ പ്രവർത്തനത്തിന് മാറ്റി വെച്ച് ടീമിന് നേതൃത്വം വഹിച്ച  മയ്യിൽ ഗവ.ആശുപത്രിയിൽ പാലിയേറ്റീവ് കെയർ നഴ്സ് ആയി സേവനം നിർവഹിച്ചു വരുന്ന നമ്മുടെ ടീം ലീഡർ സൗമ്യ മോഹനനെ പ്രത്യേകം അഭി നന്ദിക്കുന്നു.- കൺവീനർ

അറിയിപ്പ്: എല്ലാ വെള്ളിയാഴ്ചകളിലും രാവിലെ 10മണി മുതൽ 1മണി വരെ 'ആരോഗ്യം ആനന്ദം -അകറ്റാം അർബുദം' പദ്ധതിയുടെ  ഭാഗമായി 30നും 65നും ഇടയിൽ പ്രായമുള്ള എല്ലാ സ്ത്രീകൾക്കും വേണ്ടിയുള്ള ഗർഭാശയ ഗള -സ്തനാർബുദ നിർണയ ക്യാമ്പ് തേർത്തല്ലി കുടുംബാരോഗ്യ കേന്ദ്രത്തിൽ വച്ചു നടക്കുന്നതാണ് - മെഡിക്കൽ ഓഫീസർ. ....... IRPC കൊട്ടയാട് ലോക്കൽ യൂനിറ്റ് അനുബന്ധ അറിയിപ്പ്: വനിതകളുടെ ആരോഗ്യ ക്ഷേമത്തിനായുള്ള കേരള സർക്കാരിൻ്റെ ഈ  പരിപാടി സമ്പൂർണ വിജയമാക്കാനും നമ്മുടെ വനിതകളുടെ ആരോഗ്യം ഉറപ്പുവരുത്താനുമായി  തങ്ങളുടെ പ്രദേശത്തെ 30- 65 പ്രായപരിധിയിലുള്ള എല്ലാ വനിതകളേയും ഈ പരിശോധനക്കു വിധേയമാക്കാൻ നേതൃത്വം വഹിക്കണമെന്നു എല്ലാ  വളണ്ടിയർമാരോടും അഭ്യർത്ഥിക്കുന്നു - കൺവീനർ, IRPC കൊട്ടയാട് ലോക്കൽ യൂനിറ്റ്.

യൂണിറ്റ് കൺവീനർ 2 ലക്ഷം രൂപ ഷെയർ നൽകി.

 

12 / 02 / 2025 :        IRPC കൊട്ടയാട്‌ ലോക്കൽ യൂണിറ്റ് കൺവീനർ ആയ  ശ്രീ. സി.കെ രാധാകൃഷ്ണൻ മാസ്റ്റർ,  ആലക്കോട് സഹകരണ ആശുപത്രിയിൽ 2 ലക്ഷം രൂപ ഷെയർ നൽകി.  അദ്ദേഹത്തിൻ്റെ  പ്രിയ മാതാപിതാക്കളുടെ പേരിൽ  സ്പോൺസർ ചെയ്ത റൂമിൻ്റെ താക്കോൽ ഏറ്റുവാങ്ങൽ ചടങ്ങ് ആശുപത്രി ഭരണ സമിതി പ്രസിഡൻ്റ് ശ്രീ.പി.വി.ബാബുരാജ് നിർവ്വഹിച്ചു. IRPC വളണ്ടിയർമാർ കൂടിയായ ബാബു കീച്ചിറ , ടോമിമാസ്റ്റർ തുടങ്ങിയവർ സന്നിഹിതരായിരുന്നു .

പ്രതിമാസ പാലിയേറ്റിവ് കെയർ ഗൃഹസന്ദർശനം 2025 ജനുവരി

2025  ജനുവരി  12  നു ഞായറാഴ്ച  IRPC യുടെ  വളണ്ടിയർമാർ കൊട്ടയാട് ലോക്കലിൽ  പ്രതിമാസ  പാലിയേറ്റിവ് കെയർ  ഗൃഹസന്ദർശനം നടത്തി . താന്താങ്ങളുടെ വീടിനു പുറത്തിറങ്ങാൻ കഴിയാത്തവരും പ്രായത്തോടും രോഗത്തോടും പോരാടി ജീവിക്കുന്നവരുമായ ധീര വ്യക്തികളെ സന്ദർശിക്കുകയും അവരുമായി സൗഹൃദ സംഭാഷണത്തിൽ മുഴുകുകയും  ചെയ്തു. കൂടാതെ ജീവിത ശൈലി രോഗങ്ങളെ പ്രതിരോധിക്കാൻ സഹായിക്കുന്നതിനായി രക്തസമ്മർദ്ദവും രക്തത്തിലുള്ള ഗ്ലൂക്കോസിൻ്റെ അളവും അളന്നു കൊടുത്തു.2  വ്യക്തികളിൽ bp / bg  അളവുകളിൽ  കാര്യമായ  വ്യതിയാനം കണ്ടെത്തിയതിനാൽ അടിയന്തിരമായി ഡോക്ടറെ കാണാൻ നിർദ്ദേശം നൽകി  . വേണ്ടത്ര ശുചിത്വം പാലിക്കപ്പെടാത്ത  ഒരു കേസ് ശ്രദ്ധയിൽപ്പെട്ടു . വേണ്ട നിർദ്ദേശങ്ങൾ നൽകി . ഒരേ കിടപ്പായതു കൊണ്ട് ദേഹത്തുണ്ടാകുന്ന വ്രണങ്ങൾ സുഖപ്പെടുത്താനുള്ള വഴികൾ ശ്രദ്ധയിൽപ്പെടുത്തി.വിക്രമൻ ടി.ജി, സൗമ്യ മനോജ് കൊട്ടക്കടവ്  , സിന്ധു കോട്ടക്കടവ്,  ,സി.കെ.രാധാകൃഷ്ണൻ എന്നിവർക്ക് ഈ  ഗൃഹസന്ദർശന ടീമിൻ്റെ ഭാഗമായി പ്രവർത്തിക്കാനുള്ള സൗഭാഗ്യം ലഭിച്ചു. വിപിൻ, രാമകൃഷ്ണൻ ഏ ജി ,ദാസൻ  (നരിയമ്പാറ A) ,ജോൺ  വളവിൽ ( നരിയ മ്പാറ B ) , ഗണേശൻ.പി ( കോട്ടക്കടവ്), ഗിരീഷ് ,അജിത  രവി  (കാലായിമുക്ക് ), മനോജ് (പാലുംചിത്ത) ,) , ചന്ദ്രശേഖരൻ (കല്ലൊടി) ,   എന്നിവർ മാനവ സേവനത്തിന്റെ  മഹത്തായ ഈ ദൗത്യത്തിന് അതത് ബ്രാഞ്ചുകളിൽ നേതൃത്വം നൽകി. 22 വീടുകൾ സന്ദർ ശിക്കാനും  നിരന്തര ഡയലാസിസ് നടത്തേണ്ടി വരുന്നവർ, കീമോതെറാപ്പി ചെയ്യുന്നവർ,  മസ്കുലാർ ഡിസ്ട്രോഫി യെ നേരിടുന്ന കൗമാരം  ഉൾപ്പെടെ  32  ധീര വ്യക്തികളുമായി സാന്ത്വന സംഭാഷണം നടത്താനും കഴിഞ്ഞത് ജീവിതത്തിലെ അപൂർവഭാഗ്യമായി കരുതുന്നു. സ്വന്തം ക്ഷീണത്തേയും രോഗത്തേയും അവഗണിച്ച് ഈ പ്രവർത്തനത്തിൽ കൂടെ നിന്ന പ്രിയ വളണ്ടിയർമാരെ അനുമോദിക്കുന്നു . -കൺവീനർ .

****************************************************************************

5/1/25 നു നടന്ന IRPC കൊട്ടയാട് ലോക്കൽ യൂണിറ്റ് യോഗത്തിൻ്റെ തീരുമാനങ്ങൾ: 

(1 ) 2025 ജനുവരി മുതൽ എല്ലാമാസവും രണ്ടാമത്തെ ആഴ്ച ലോക്കൽ തല Home care സന്ദർശനം നടത്തുന്നതാണ്. ഇതു പ്രകാരം ജനുവരി 12 ഞായറാഴ്ച രാവിലെ 9 മണി മുതൽ 5 മണി വരെ ലോക്കൽ തല Home care നടത്തേണ്ടതാണ്. ഓരോ ബ്രാഞ്ചിൽ നിന്നും 2 വളണ്ടിയർമാർ സന്ദർശക ടീമിനെ അനുഗമിക്കേണ്ടതാണ് .

( 2 ). ബ്രാഞ്ച് തലത്തിൽ ഒരു IRPC വളണ്ടിയറുടെയും കൺവീനറുടേയും സാന്നിധ്യത്തിൽ Boxകൾ തുറന്ന് ലഭിക്കുന്ന തുകകൾ ഈ ആഴ്ച തന്നെ (Jan 12നുള്ളിൽ) കൺവീനറെ ഏൽപ്പിക്കേണ്ടതാണ്. ആവശ്യമായിടത്ത് പുതിയ പെട്ടികൾ വെക്കുന്ന പ്രവർത്തനവും ഈ ആഴ്ച പൂർത്തീകരിക്കേണ്ടതാണ് 

(3).2025 ജനവരി 14 ന്‌ വൈകു. 4 മണിക്ക് കണ്ണൂർ സ്റ്റേഡിയത്തിൽ നടക്കുന്ന IRPC വളണ്ടിയർ സംഗമ ആദരവ് ചടങ്ങിൽ പങ്കെടുക്കാനായി യൂനിറ്റിൽ നിന്നും നൽകിയ പട്ടിക യോഗം ചർച്ച ചെയ്ത് അംഗീകരിച്ചു. ഇവരെ എല്ലാവരേയും മുൻകൂട്ടി വിവരമറിയിച്ച് പരിപാടിയിൽ പങ്കെടുക്കാനുള്ള സൗകര്യം ഉറപ്പുവരുത്തുന്നതാണ്.ഇതിലേക്കള്ള വാഹന സൗകര്യത്തിൻ്റെ ചിലവിലേക്കായി പങ്കെടുക്കുന്ന വളണ്ടിയർമാർ 100 രൂ വിഹിതം തരേണ്ടതാണ്.ഇതിൽ വേണ്ടുന്ന അധികച്ചിലവ് യൂനിറ്റ് പൊതു ഫണ്ടിൽ നിന്നും എടുത്ത് നികത്തുന്നതാണ്.

(4) ജനവരി 15ന് കേരളാ പാലിയേറ്റീവ് കെയർ ദിന ആചരണവുമായി ബന്ധപ്പെട്ട് കിടപ്പു രോഗികളെയും പ്രായം ചെന്നവരേയും സന്ദർശിക്കുകയും ഉപഹാരങ്ങൾ നൽകേണ്ടതുമാണ്. ഇതിനു വേണ്ട സ്പോൺസർഷിപ്പു ബ്രാഞ്ചുതലത്തിൽ കണ്ടെത്തി പ്രവർത്തനങ്ങൾ നിർവഹിക്കേണ്ടതാണ്  

(5) lRPC ജില്ലാതല സാന്ത്വന പ്രവർത്തനത്തെ സഹായിക്കുന്നതിനുള്ള ധനശേഖരണത്തിനുള്ള സാധ്യതകൾ തേടുന്നതിനു്  ഓരോ ബ്രാഞ്ചിലും ശ്രമിക്കേണ്ടതാണ്.വ്യക്തികൾ നടത്തുന്ന ചടങ്ങുകൾ, ആഘോഷങ്ങൾ  ,ആചരണങ്ങൾ എന്നിവയുടെ ഭാഗമായി സന്മനസുള്ളവരുടെ കൈയിൽ നിന്നും സംഭാവനകൾ ലഭിക്കാൻ വേണ്ട ഇടപെടലുകൾമുൻകൂട്ടി നടത്തി ഈ ഇനത്തിൽ നമ്മുടെ ലോക്കലിനുള്ള പ്രതിമാസ ക്വാട്ട പൂർത്തീകരിക്കാൻ സഹായം അഭ്യർത്ഥിക്കുന്നു.

 List of homecare volunteers RECEIVED FROM BRANCHES and  APPROVED BY CHAIRMAN : 

അജിത രവി,രവി പി കെ,ഗിരീഷ് N G,വിക്രമൻ ടി.ജി, സി.കെ.രാധാകൃഷ്ണൻ, ബാബു കീച്ചറ,ബിജിത രാജീവൻ , യശോദ കൃഷ്ണൻ,സൗമ്യ മനോജ്‌, ശോഭ കെ കെ, സിനി രാജേഷ്, യശോദ ദാസൻ,സൗമ്യ മനോജ്‌  , കോട്ടക്കടവ്;സിന്ധു മനോജ്‌ ,കോട്ടക്കടവ്;ഗണേശൻ.പി, വിപിൻ ഭാസ്കർ ,മനോജ് P A ഒറ്റമുണ്ട,

 ബെന്നി എം എം ., SAJEEV K K, രാഹുൽ K M, MOHANAN P K., ചന്ദ്രശേഖരൻ P R,  സിജു മോഹനൻ നെല്ലിക്കുന്ന്, BABY THOTTIKKAL നെല്ലിക്കുന്ന്, RAMAKRISHNAN A.G,P. K.Balan, Sunil O.V, Sruthi Sunil.

-ചെയർമാൻ, കൺവീനർ.

***************************************************************************

IRPC  വളണ്ടിയർ    M M ബെന്നിയുടെ മാതാവ് മേരി മുക്കത്ത് നിര്യാതയായി .

                                                                       ആദരാഞ്ജലികൾ

*****************************************************************************

31/10/2024: IRPC KOTTAYAD ലോക്കൽ തല ഹോം കെയർ

 

31/10/2024: ഇന്നത്തെ IRPC ലോക്കൽ തല ഹോം കെയർ പ്രവർത്തനത്തിൽ വളണ്ടിയർമാർ 15 വീടുകൾ സന്ദർശിച്ചു.25 വ്യക്തികളുടെ BP / BG പരിശോധന നടത്തി. മനു കല്ലൊടി, അജിത രവി കാലായിമുക്ക്, മനോജ് ഒറ്റമുണ്ട, സൗമ്യ  നരിയമ്പാറA, വിപിൻ നരി യമ്പാറA, കുഞ്ഞിരാമൻ നരി യമ്പാറ A,  ജോൺ വളവിൽ നരിയമ്പാറB, ബാബു കീച്ചറ നരി യമ്പാറB, വിനു വല മുറ്റം കാവി ൻകുടി, ബേബിച്ചൻ നെല്ലിക്കുന്നു, ഗിരീഷ് കാലായിമുക്ക്, സജീവൻ കല്ലൊടി തുടങ്ങിയവർ പ്രവർത്തനങ്ങളിൽ പങ്കെടുത്തു. രാധാകൃഷ്ണൻ സി.കെ (നരിയമ്പാറ B), ബിജിത രാജീവൻ (കൂളാമ്പി), യശോദ കൃഷ്ണൻ (EMS) , ജോൺ വളവിൽ (നരിയമ്പാറ B ) തുടങ്ങിയവർ ലോക്കൽ തല സന്ദർശനത്തിന് നേതൃത്വം നൽകി. ഇന്നത്തെ പരിശോധനയെ തുടർന്ന് ചില വ്യക്തികളുടെ BP / Blood Glucose അളവിൽ വന്നിട്ടുള്ള  വലിയ വ്യതിയാനങ്ങൾ ശ്രദ്ധയിൽ കൊണ്ടുവരാൻ കഴിഞ്ഞു. ഒറ്റമുണ്ട ഒരു വീട്ടിൽ നിന്ന് IRPC യിലേക്ക് ഒരു വീൽചെയർകൈമാറാൻ ആഗ്രഹം പ്രകടിപ്പിച്ചിട്ടുണ്ട്.Muscular Distrophy ഉള്ളതിനാൽ കിടപ്പിലാകേണ്ടി വന്ന് സ്കൂൾ വിദ്യാഭ്യാസം ലഭിക്കാത്ത ഒരു കുട്ടി വായിക്കാൻ പഠിക്കണമെന്ന ആഗ്രഹം പ്രകടിപ്പിച്ചിട്ടുണ്ട്.നരിയമ്പാറ  A യിൽ ഒരു വീട്ടിൽ ഡെങ്കിപ്പനി ഉള്ളതായി ശ്രദ്ധയിൽ പെട്ടു. ഒറ്റമുണ്ടയിൽ ഒരു വീട്ടിൽ ഇന്നത്തെ പാലിയേറ്റീവ് കെയർ സന്ദർശനം മാറ്റിവെക്കാൻ അഭ്യർത്ഥിച്ചത് അനുസരിച്ച് അവിടേക്കുള്ള സന്ദർശനം തൽക്കാലം ഒഴിവാക്കി. നെല്ലിക്കുന്ന് (3), കാവിൻ കുടി(1), കോട്ടക്കടവ് (1) പ്രദേശത്തെ സന്ദർശനങ്ങൾ പ്രാദേശികമായ അസൗകര്യങ്ങൾ കാരണം അടുത്ത ആഴ്ചയിലേക്ക് മാറ്റേണ്ടി വന്നിട്ടുണ്ട്. സന്ദർശിക്കപ്പെടേണ്ട വ്യക്തികൾ പതിവായുള്ള ഡയാലിസിസിനു പോയതു കാരണം 3 വീടുകളിൽ സന്ദർശനം നടന്നില്ല.70 വയസ് കഴിഞ്ഞവർക്കുള്ള ആരോഗ്യ ഇൻഷൂറൻസ് പദ്ധതിയിൽ കിടപ്പു രോഗികളെ എങ്ങിനെ ചേർക്കും എന്നതിൽ ചില വീട്ടുകാർ ആശങ്ക പ്രകടിപ്പിച്ചിട്ടുണ്ട്. പൊതുവെ, നമ്മുടെ ലോക്കലിൽ  കിടപ്പു രോഗികൾക്ക് നല്ല ശ്രദ്ധയും പരിചരണവും ലഭിക്കുന്നതായി വിലയിരുത്തുന്നു.-കൺവീനർ.

പാലും ചിത്ത  തോയൻ കുമാരൻ

(59)അന്തരിച്ചു 

നരിയംപാറയിലെ തിരുമ പള്ളത് നിര്യാതയായി

ആലക്കോട് ഹിൽടോപ്പിലെ പുതിയ വീട്ടിൽ കുഞ്ഞിരാമൻ (75) നിര്യാതനായി

Rs 1000 received from C K Binu as contribution and deposited in Bank account now.

പുനരധിവാസ രോഗീ വേദനാ പരിചരണ സംരംഭ സംഘം ( IRPC Kottayad Local Unit) കൊട്ടയാട് പ്രാദേശിക ഘടകം കമ്യൂണിസ്റ്റ് മാർക്സിസ്റ്റ് പാർടിയുടെ കോട്ടക്കടവ് ബ്രാഞ്ചിൻ്റെ സഹകരണത്തോടെ,   ഇപ്പോൾ  അംഗ പരിമിതി സംഭവിച്ച് വെല്ലുവിളികൾ നേരിടുന്ന കോട്ടക്കടവ് വിജയന്  പുതിയൊരു വരുമാന മാർഗത്തോടെയുള്ള പുനരധിവാസത്തിന് ഉപകരിക്കുന്ന വിധത്തിൽ മൂന്നുരുൾ സ്കൂട്ടർ ലഭ്യമാക്കാനുള്ള ക്രമീകരണങ്ങൾക്ക് നേതൃത്വം നൽകുകയും വിൽപന നടത്തുന്നതിനായുള്ള ഒരു കെട്ടു ലോട്ടറി ടിക്കറ്റുകൾ വാങ്ങി നൽകുകയും ചെയ്തു. ഏരിയാ സെക്രട്ടറി സാജൻ ജോസഫ് ടിക്കറ്റു വിൽപന പ്രവർത്തനം ഉൽഘാടനം ചെയ്തു. IRPC ലോക്കൽ യൂനിറ്റ് ചെയർമാൻ വിക്രമൻ ടി.ജി ആദ്യത്തെ ടിക്കറ്റ് വാങ്ങി.ഗണേശൻ.പി, സി.കെ.രാധാകൃഷണൻ, സൗമ്യ മനോജ്, സിന്ധു മനോജ് തുടങ്ങിയ IRPC വളണ്ടിയർമാർ പ്രവർത്തനങ്ങൾക്ക് നേതൃത്വം നൽകി.

കോട്ടക്കടവ്‌ ന്യൂസ് :

 കഴിഞ്ഞ സമ്മേളനകാലത്തു തുടങ്ങി ഈ സമ്മേളനം കാലം വരെ ഒരു മാസം പോലും മുടക്കവരുത്ത 3 വർഷം പൂർത്തിയാക്കി കൂടെ നിന്ന് സഹകരിച്ച ലോക്കൽ കാൺവീനർ സി. കെ രാധകൃഷ്ണൻ മാസ്റ്റർ ചെയർമാൻ ടി ജി വിക്രമൻ. വാ ളിയൻഡർ സിന്ധു മനോജ്‌ സൗമ്യ മനോജ്‌ എല്ലവർക്കു നന്ദി രേഖപെടുത്തുന്നു 

കഴിഞ്ഞ വർഷം ക്യാമ്പിൽ പരിശോധന നടത്തിയവർ 330 ഹോം കെയർ 50തവണ വീടുകളിൽ

 വരവ് /ചിലവ്‌ ഈ വർഷം 870/ചിലവ്‌ 3345

37 തവണ ക്യാമ്പ് കോട്ടക്കടവ്

      സ്തനാർബുദം  തിരിച്ചറിയാൻ  https://www.facebook.com/share/v/BLMDynsyub3RHnfN/

ഇന്ന് സെപ്റ്റംബർ 21.ലോക അൽഷിമേഴ്സ് ദിനം. 

അൽഷിമേഴ്സ് എന്ന  രോഗാവസ്ഥയെക്കുറിച്ച് അവബോധം വർദ്ധിപ്പിക്കുന്നതിനും ജനങ്ങളെ ബോധവൽക്കരിക്കുവാനും ഈ ന്യൂറോളജിക്കൽ ഡിസോർഡർ ബാധിതരെ ശുശ്രൂഷിക്കാൻ കഴിയുന്ന  ശാസ്ത്രീയ  പരിചരണ രീതികൾ  പ്രചരിപ്പിക്കുവാനും ഈ  ദിവസം  നമുക്ക്  ഉപയോഗപ്പെടുത്താം. 

****

എന്റെ പ്രിയപ്പെട്ട സഖാക്കളെ, 

എന്റെ ഇതുവരെയുള്ള ജീവിത യാത്രയിൽ ഈ അടുത്ത കാലത്തുണ്ടായ തീവ്രമായ എന്റെ അനുഭവവും തുടർന്നുണ്ടായ തിരിച്ചുവരവും എന്റെ സഖാക്കളോടും മറ്റു സുഹൃത്തുക്കളുടും ഞാൻ പങ്കുവയ്ക്കട്ടെ. ..

പ്രതിസന്ധികളും, അവയെ അതിജീവിക്കലും പൊതുപ്രവര്‍ത്തകരുടെ ജീവിതത്തില്‍ അത്ര പ്രയാസമുള്ള കാര്യമൊന്നുമല്ല. പക്ഷെ സമാനതകളില്ലാത്ത ഒരു പ്രതിസന്ധിയെ അഭിമുഖീകരിക്കുവാനും അതിജീവിക്കുവാനും സാധിച്ചിരിക്കുന്നു. പ്രതിസന്ധിയില്‍ കരുതലായ എല്ലാവര്‍ക്കും നന്ദി അറിയിക്കാന്‍ ഈ അവസരം ഉപയോഗിക്കട്ടെ.

അമിത രക്തസമ്മര്‍ദ്ദമുണ്ടായിരുന്നു എന്ന വിവരം ഞാനറിയുന്നത് ബോധാവസ്ഥയ്ക്കും അബോധാവസ്ഥയ്ക്കും ഇടയില്‍ ദിവസങ്ങളോളം കണ്ണൂര്‍ ആസ്റ്റര്‍ മിംസിലെ വെന്റിലേറ്ററിലും ഐ സി യു വിലുമായി ദിവസങ്ങളോളം ചെലവഴിച്ച് തിരിച്ച് വന്നപ്പോഴാണ്. രക്തസമ്മര്‍ദ്ദം കാരണം തലയിലെ ഞരമ്പ് പൊട്ടിയതായിരുന്നുവത്രെ കാരണം. ഓര്‍മ്മ് പൂര്‍ണ്ണമായും ഇല്ലാതായ സമയമായതിനാല്‍ എന്തൊക്കെയാണ് സംഭവിച്ചതെന്നുള്ളതൊക്കെ എന്റെ കേട്ടറിവ് മാത്രമാണ്.

രക്ഷപ്പെടാനുള്ള സാധ്യത വളരെ കുറവായിരുന്നുവത്രെ!!. എന്നിട്ടും കണ്ണൂർ ആസ്റ്റര്‍ മിംസിലെ ഡോക്ടര്‍മാര്‍ അവസാന നിമിഷം വരെ പ്രയത്‌നം നടത്തി. മൂന്ന് ദിവസം വെന്റിലേറ്ററില്‍ കഴിഞ്ഞതിന് ശേഷം സി ടി സ്‌കാന്‍ ചെയ്തപ്പോള്‍ തലയ്ക്കകത്ത്  ബ്ലീഡിംഗും നീരും കൂടുതലായിരുന്നുവത്രേ. ന്യൂറോസർജറി വിഭാഗം ഉടന്‍ തന്നെ എന്നെ അടിയന്തര ശസ്ത്രക്രിയക്ക് വിധേയനാക്കി. പിന്നീട് നീര് കുറഞ്ഞു. തുടർന്ന് വളരെ പെട്ടെന്ന് തന്നെ അപകടാവസ്ഥയെ തരണം ചെയ്യാന്‍ സാധിച്ചു. 

ഒരുപാട് പേരോട് നന്ദി പറയാനുണ്ട്. പ്രഥമദൃഷ്ട്യ ആസ്റ്റര്‍ മിംസിലെ ഡോ. മഹേഷ്‌ ഭട്ട്, ഡോ. ഷമീജ്, ഡോ. രമേഷ്, ഡോ. അമിത്, ഡോ. റിനോയ്, നഴ്‌സിങ്ങ് ജീവനക്കാര്‍ എന്നിവരോടുമുള്ള നന്ദി വാക്കുകളാല്‍ പറഞ്ഞറിയിക്കാന്‍ സാധിക്കുന്നതല്ല. ഐ സി യു വിന് പുറത്തും ആശുപത്രിക്ക് പുറത്തുമായി മടങ്ങിവരവിനായി കാത്തിരുന്ന പ്രിയപ്പെട്ടവര്‍, എന്റെ സഖാക്കള്‍, പേരെടുത്ത് പറഞ്ഞാല്‍ തീരീത്തത്രയും പേരുണ്ട്. എല്ലാവരോടും ഒറ്റവാക്കില്‍ നന്ദി.

റോബർട്ട്‌ ജോർജ് 

ബ്ലോക്ക്‌ പഞ്ചായത്ത്‌ പ്രസിഡന്റ്‌, ഇരിക്കൂർ

*****

ജില്ലാ ആശുപത്രിയിൽ ഇ ഹെൽത്ത് പദ്ധതി 

നടപ്പിലാക്കുന്നതോടെ ഇനി മുതൽ ഓൺലൈൻ ബുക്കിംഗ് നടപ്പിലാവുമെന്ന് ആർഎംഒ ഡോ. സുവിൻ മോഹൻ ജില്ലാ പഞ്ചായത്ത് യോഗത്തിൽ അറിയിച്ചു. ആരോഗ്യവകുപ്പ് രൂപം നൽകിയ ഇ-ഹെൽത്ത് വെബ് പോർട്ടൽ മുഖേനയാണ് അപ്പോയിന്റ്‌മെന്റ് എടുക്കാൻ സാധിക്കുക. ഇ-ഹെൽത്ത് വഴിയുള്ള സേവനങ്ങൾ ലഭിക്കുവാനായി https://ehealth.kerala.gov.in എന്ന പോർട്ടൽ സന്ദർശിച്ച് തിരിച്ചറിയൽ നമ്പർ സൃഷ്ടിക്കണം. അങ്ങനെ ലഭിക്കുന്ന തിരിച്ചറിയൽ നമ്പറും പാസ് വേർഡും ഉപയോഗിച്ച് നിശ്ചിത തീയതിയിൽ ആശുപതികളിലേക്കുള്ള അപ്പോയിന്റ്‌മെന്റ് എടുക്കാൻ സാധിക്കും. ഇ ഹെൽത്ത് ഉള്ള എല്ലാ ആശുപത്രികളിലും ഈ തിരിച്ചറിയൽ നമ്പർ ഉപയോഗിക്കാം. രോഗികൾ അവർക്ക് സൗകര്യപ്രദമായ സമയമാനുസരിച്ചുള്ള ടോക്കൺ എടുക്കാമെന്നും അദ്ദേഹം അറിയിച്ചു. 

ഇ-ഹെൽത്ത് പദ്ധതി പൂർണ്ണതോതിൽ നടപ്പിലാക്കുന്നതോടെ എല്ലാ സർക്കാർ ആശുപത്രികളേയും ഒറ്റ നെറ്റ് വർക്കിന്റെ ഭാഗമാക്കി മാറ്റാൻ കഴിയും. ഇതോടെ ചികിത്സക്കായി വിവിധ പൊതുജനാരോഗ്യ കേന്ദ്രങ്ങളിൽ പോകുമ്പോൾ, രോഗികൾക്കു തങ്ങളുടെ രോഗത്തെക്കുറിച്ചും ചികിത്സയെക്കുറിച്ചുമുള്ള രേഖകൾ കൊണ്ടു നടക്കേണ്ടിവരില്ല. 

ടെസ്റ്റുകൾ ആവർത്തിച്ചു ചെയ്യേണ്ടിയും വരില്ല. രോഗനിർണയം മുതൽ ചികിത്സ നൽകൽ വരെ ഇതു വേഗത്തിലാക്കും. ഇതോടെ ഒപി ടിക്കറ്റിനായി ജില്ലാ ആശുപത്രിയിലെ തിരക്ക് ഒഴിവാക്കാൻ കഴിയുമെന്നത് നേട്ടമാണ്. തിരക്ക് കുറഞ്ഞ സമയമായതിനാലാണ് ഇപ്പോൾ ഇ ഹെൽത്തിന്റെ ട്രയൽ ഇപ്പോൾ നടത്തുന്നത്. തിരക്ക് കുറക്കാനായി നാല് കമ്പ്യൂട്ടറുകൾ ഉപയോഗിക്കുന്നതായും അദ്ദേഹം പറഞ്ഞു.